李嘉欣親揭年初入ICU原因！許晉亨擺烏龍險延遲送院

李嘉欣（Michele）早前為雜誌拍攝時裝封面，親揭年初入住ICU的病發經過。Michele憶述今年1月某個半夜，突然心跳得好快，每分鐘跳160，但當時正值COVID高峰期，去醫院要辦好多手續，就在她我半夢半醒之間，其丈夫許晉亨請醫生上門看診，並立刻為她安排病房。

Michele指許晉亨見她睡意正濃，問醫生可否讓她先睡一會才入院。當時醫生以短訊回覆：「No」、「Hurry」，許晉亨誤以為對方寫「No Hurry」（不用急），便決定讓她先睡一會。Michele說︰「當時醫生揸緊車無寫標點符號，佢個正確意思係『No！Hurry！』（不！很緊急！）如果俾我瞓着，好可能唔會再醒！」

李嘉欣當時仍未知情況危急，還強撐跟家人說「我無事」，上到病房，護士量不到她的血壓，而肺科醫生指她有嚴重肺積水，所有內臟包括肝、腎已停止運作，要即刻入深切治療部。之後心臟科教授為她檢查，發現心臟先天性多一條血管，「條血管好似短路咁亂跳，160唔係心跳，而係心震，所以冇血輸送去內臟。」

李嘉欣當時為免兒子Jayden擔心，沒有向他解釋病情，直至她在IG出post，「Jayden睇完好嬲，問我點解咁大件事都唔話佢知。佢覺得自己已大個仔，我唔應該呃佢。」在加護病房留醫48小時，Michele的情況開始穩定。農曆年過後再接受導管消融手術，在大腿旁穿一條導管進入心臟，防止再有異常的心律不整。