足球女將｜蘇皓兒拉傷盆骨肌肉幸無影響生育　鄭杞瑤自封「速度型炸彈」

ViuTV全新節目《足球女將》將於下周一（10日）播出，節目招募24位有運動細胞的美女藝人和KOL等，由零開始進行5個月特訓及與不同球隊作賽。今日（8日）多位足球女將包括蘇皓兒（Chloe）、王頌茵（Kathy仔）、郭思、馬俊怡（Rose）、鄭杞瑤（Kylie C.）等出席節目宣傳活動，原來多人因為拍攝接受為期5個月的訓練時，輪流受傷，幸無大礙。

Chloe自爆一個月前就受傷，早前拉傷盆骨下肌肉。「對我來講比較頹廢，因為好似隊友進步緊，自己卻跟唔到操，每次坐喺球場好無聊，又心急想康復。」她透露每星期操5日，晨操晚練實在吃不消，幸好最後獲教練恩准完全躺平，休息一個多星期後，休息10多天，目前已康復了九成。談到可擔心影響生育時，Chloe說：「只傷了肌肉，沒影響其他。」

除了足球以外，Chloe將於3月內迎戰兩場大賽，包括《生啤盃籃球明星賽》和《足球女將》終極大戰，「我有3個月冇打籃球，所以嚟緊都要練籃球，唔可以失禮。」她自爆選了張繼聰、Brian、Edan、Agent. L等做拍檔，屆時靠他們助攻射三分波。

至於因為劇集而近期人氣上升的Kathy仔，笑指自己向來是運動白痴，頭兩個月訓練已受傷，進度大大落後，「心靈極度受挫，休養後再參加訓練，呢班隊友俾咗好多鼓勵同勇氣我，直到呢刻都唔放棄，都係因為佢哋。」助教陳安立（Brian）笑言，自從知道Kathy仔參加這節目，已開始擔心她是首位因受傷退出的隊員，「佢以前行路都會戥親撞瘀，經過咁多個月練習禮，我都好proud of佢。」

受訓期間見盡彼此醜態和絕技，談到各成員的綽號，郭思率先自封為「邊路殺手」，卻被其他隊友指她是「郭思奇蹟，又快又怪。」Chloe則獲Brian大讚排練準時練兼且從不缺席，獲一致讚同為「敬業女將」。Kylie C獲讚爆炸力十足，她自封為「速度型炸彈」，相比之前拍潛水節目《潛在挑戰中》，她直言：「潛水比踢波易好多，雖然我好怕水，潛水難度係1分，足球係10分，因為太多不同技術，位置組織等，所有嘢都超難，即使我睇咗十幾年波都冇幫助。」