一名人妻於2020年尾在網上論壇出post指自己因遭失業老公丈夫冷落而出軌，當時不少網民都批評她「你真係好X差」、「妳所做之事必有惡果和報應」，也有人表示「做女人有一兩個sp真係正常到不得了」。這個類似Netflix日劇「金魚妻」的劇情，事隔年半，該名人妻近日再有更新，結局令不少網民大嘆「冇天理」！
人妻怨失業老公晚晚同朋友飲酒、獨留在家感寂寞
該名人妻表示，自己與老公是在大學相識，結婚約五年多，二人都是三十出頭。老公原本有份穩定工作，但早前因為疫情被裁員。失業後老公間中會「炒散」，但「有時無工開就係屋企食煙飲酒」，人妻表示老公失業前並無此習慣。
2020年10月，老公認識了一班新朋友，晚上收工後會帶他到去私人地方飲酒，每晚都凌晨2、3點才回家，期間老公會video call讓人妻知道他身邊無異性，因此人妻也「放心俾佢去」，只是每晚回到家都只剩下自己一個人。某天人妻在工作上遇到煩惱，以前會向老公傾訴，但因為老公最近晚晚去飲酒，因此人妻就找到共事3年的同事兼好朋友C「一齊食dinner 一邊呻」。
約同事晚餐訴苦、不甘寂寞下與其發生關係
當晚二人食完飯後，同事C駕車送人妻回家，但途中突然問人妻「下咗火未，去唔去飲杯嘢relax下」，人妻見時間尚早，就應承與同事C繼續飲酒暢談。人妻當時喝了很多酒，「完全起唔到身」，只記得C扶她上車。
到人妻有意識時，發現「我同C無著衫攬實咁瞓」，人妻大驚之下即刻拿起電話，發現不少老公的miss call，人妻當時覺得很內疚並大哭起來，同時驚醒了C，C不停安慰人妻，更勸她留下來，人妻因不知道如何面對老公，所以選擇了留下。後來人妻心情平復後，二人又再次在沒有安全措施下親密，人妻坦言「我個身好凍，佢攬實我嗰下覺得好有愛嘅感覺，所以我無推開佢」。
自言「我愛嘅人係我老公」 唯仍多次與同事約會
有網民看到這裡，都認為人妻「其實已經嫌棄個老公想離婚」，但人妻表示「我愛嘅人係我老公」，只是C「無論係公事上、朋友關係佢都比我一種好可靠嘅感覺」，因此並不想與C斬纜。人妻續指，那次之後，仍然不時會上同事C家親熱，而且因為人妻有吃避孕藥，所以二人每次親熱都沒有做安全措施。
人妻更坦言有次從同事C家中離開，再回到家裡後與老公親熱時，一直都覺得「好對唔住我老公，就算沖涼不斷洗下邊都覺得好污糟」，更直言「對C產生同佢一齊我個心會好定，覺得佢好可靠，性方面都比老公花心機」，因此明知自己做錯，仍不想割捨這段關係及失去這個朋友，因此上網求意見。
被網民罵醒欲與C斬纜、拉扯半年仍未斷
網民當時留言都直斥C「乘人之危仲唔肯用套，賤格」，但也認為人妻有更大責任，「背夫出軌，你覺得OK就仲賤格」、「你真係好污糟，點洗都係咁污糟」；也有網民指「做女人有一兩sp（Sex Partner）真係正常到不得了」，只要不被老公發現、「唔好沈船，我覺得都OK，都係各取所需」；當然更多的留言是勸她回頭是岸或直接離婚。
人妻被罵後似乎曾有一剎那醒覺，因此在Whatspp與C提出斬纜，但又指「佢嘅回應真係令我想繼續同佢發展」，也指與朋友相討後，「佢都覺得C對我係認真」。於是二人最後沒有斷絕來往，平時就如熱戀中情侶一樣，但又直言「番到屋企都好有內疚感，個心好唔舒服」。後來人妻再留言，指老公已經找到新工作，但仍然無改放工後與朋友喝至2、3點才回家的習慣。而人妻則「每日收工就係同C食晚餐，間中上佢屋企，10點前準時番到屋企」，藕斷絲連。
偷食一年半 寫千字文紀錄出軌心路歷程
事件發生約一年多後，人妻近日再現身，以千字文向大家交待三人關係。人妻表示，「好清楚C絕對唔係我心目中Dream Man，係我心目中佢一直都係好朋友嘅身份存在」，雖然對老公有內疚感，但因為老公每晚都與朋友喝至深夜才回家，因此令人妻開始對C有真感情。這樣偷偷摸摸過了一段日子，人妻不時仍會被數名由網友變好姊妹的朋友勸她回頭是岸。剛好公司突然調人妻到其他分店，與C工作的地點天各一方，人妻也極力不回覆C的所有訊息，相信二人終於可以斷絕來往。
戲劇性重逢！C買樓欲與人妻組織家庭
可惜命運總是出奇不意，就在人妻以為與C成功斷交時，她某天又與老公因小事吵架，於是當晚約了幾個姊妹出來吃飯訴苦，卻在回家的時候重遇C，人妻指「我哋對望嗰陣真係覺得成條街得我哋兩個咁」，於是二人再續前緣共聚一宵。接下來的日子人事與C越來越甜蜜，某天C更帶人妻去睇樓，並指要與她結婚，指單位已買下並會落人妻的名字，人妻當下「真係好甜，好想同佢組織家庭」。
最終懷有BB 向老公坦白求離婚
當人妻更煩惱要如何向老公坦白時，人妻突然發現原來自己有了C的BB！人妻告訴C時他雖然非常開心，人妻也知道無法再隱瞞下去，因此向老公坦白及道歉，希望老公與她離婚，老公聽到後打了人妻一巴，「好爽快咁簽咗紙同我離婚」，人妻最後成功與C組織新家庭，但又表示「我知我傷害咗一個曾經嘅屋企人，我亦好多謝佢多年來對我嘅愛，最後仲放生我」，最後表示「幸福當前無分對錯」，祝願大家都能找到屬於自己的幸福。
網民大嘆「冇天理」、質疑「希望個BB真係Ｃ嘅」
事件到這裡算是圓滿結束，不少網民都大嘆「冇天理」，直言「C當初乘人之危，你對唔住老公，竟然最後都有好結局」、「少有嘅劈腿故事竟然happy ending」，但也有人回覆「未到死 一日未知係咪ending」，相當毒舌！
也有人替老公不值，「疫情被炒，返pt搵錢，老婆出面出軌被人瘋狂XX仲大咗肚 」，認為人妻非常過份；甚至有人質疑人妻的BB可能不是C的，因為人妻與C秘密拍拖，也有與老公親熱，甚至留言「我以為樓主離咗婚先發現個BB係前夫嘅添」。
但也有不少網民指，「既然不愛，放生對方都係好事」，有部份網民也指出她的老公也相當有問題，如此冷落另一半，根本沒有將她放在心上，覺得出軌也是情有可原。總之大家都是成人，自己做事記得自己負責，不要之後再怨天尤人。
資料來源：點做好、新的開始（連結已被刪除）