慳錢絕技！靠呢招3年竟慳35萬 月光族必學！教大家買餸慳錢

日常開支洗費大，見到心頭好又忍唔住手買咗，想儲錢真係難過登天！日本就有一位慳錢媽媽分享自己慳錢絕技，佢喺日常生活埋手，3年內成功慳咗500萬日圓（約港幣34萬），儲錢再唔係一件難事，想知道點樣可以輕輕鬆鬆慳錢，一齊睇下內文啦！

圖片來源：《プロの家は凄いはず！》、網絡圖片｜撰文： Sharon

日本媽媽野乃子早前出演日本綜藝節目《プロの家は凄いはず！》，同大家分享慳錢絕技，平時野乃子要負責照顧丈夫同一對子女嘅起居飲食，但3年前佢哋遇到財政危機，丈夫又沉迷打機，甚至借咗唔少錢去打機，而小兒子嘅出世，令野乃子一家嘅開支瞬間增大。為咗可以慳錢，野乃子由飲食入手，習慣每星期只買一次餸，3年內成功慳咗500萬日圓（約港幣34萬）！

野乃子每個星期只會到超市一次，每次都會買夠一個星期餸，並限制自己所花的費用唔能夠超過限額。呢一日佢就喺超市買咗沙律、蔬菜、一公斤豬肉、雞肉。野乃子表示，佢限制自己一日三餐嘅食材費用唔可以超過1000日圓（約港幣$68），一個星期則不能超出7000日圓（約港幣$477），野乃子喺超市一共買咗27樣食材，一共只花咗6569日圓（約港幣$448）。

一般4人家庭每個星期食材費用為17,000日圓（約港幣$1158），但野乃子一家只用咗7000日圓（約港幣$477）！

野乃子會將27款食材製作一個星期嘅份量，清楚列明要煮嘅菜式，並用冷凍調理包方法去處理食材。首先將有關食材先切粒處理，放入食物袋上再放進雪櫃冷藏。

短時間就製作出多款菜式。

就算係簡單係食材例如沙律，都可以煮出美食嘅食物。最後，野乃子只花了3小時就完成咗23款菜式！

如果大家都想試下用快捷嘅方法慳錢，不妨可以試下呢個方法，睇下對你哋嚟講又係唔係一個好嘅儲錢方法！