MIRROR、ERROR人氣高峰期！網民翻摷花姐兩年前跳「笨豬跳」許願成功

▲MIRROR近期處於人氣高峰期，成為不少廣告商的寵兒。

MIRROR同ERROR近期人氣勁爆，去到邊都見到他們的代言廣告外，昨日兩隊組合更合體現身屯門市廣場為ViuTV播放東京奧運造勢，吸引近5000名粉絲逼爆現場，有人為見偶像一面更通宵排隊霸靚仔，認真誇張！

▲ERROR同樣人氣熱爆！

▲有網民搵返花姐兩年前在拍《花姐ERROR遊》時，曾在跳「笨豬跳」前許願！

MIRROR同ERROR之所以成功，不少人都認為全靠「地表最強經理人」花姐（黃慧君）在背後出力「養育」，近日更有網民翻摷返兩年前花姐同ERROR一齊拍《花姐ERROR遊》時，就曾在跳「笨豬跳」之前許願：「我跳咗落去，ERROR、MIRROR你哋一定要紅！」如今願望竟然成真！

▲花姐重貼舊片，更留言希望大家幸福快樂。

事後，花姐似乎有留意到網民翻摷舊片，在IG貼出節目片段及寫道：「如果許願能變真 我希望大家可以幸福快樂」對於兩隊「乖仔」得到粉絲寵愛，花姐都感動表示：「MIRROR ERROR有你地真幸福」。

▲花姐多謝粉絲對MIRROR及ERROR的支持。