雙雄電影只係記得寒戰？No！
電影嘅種類越嚟越多，單一嘅男女主角已經慢慢開始滿足唔到觀眾嘅胃口，所以依家多咗好多有兩位男主角嘅電影，亦稱雙雄電影。戲中兩位男主角嘅對手戲，鬥智鬥勇嘅情節，都令到觀眾眼前一亮！今日DailyView就用網路大數據調查咗2018年到今年喺香港有上映嘅中港台雙雄電影，一齊嚟睇吓邊套先最吸引到你去睇啦！
DV小教室：網路溫度計透過《KEYPO大數據關鍵引擎》大調查觀測咗近萬個網站頻道（而且不斷增加ing），包括港澳地區的新聞頻道、FB、IG同埋各大討論區、Blog……透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
8.洩密者們
《洩密者們》係一部懸疑劇情片，並由吳鎮宇、張智霖領銜主演。講述馬來西亞警長李永勤（張智霖飾）同香港督察王大偉（吳鎮宇飾）合作追查一個自稱「洩密者」的神秘組織。電影裡並沒有太多嘅動作打鬥情節，但電影中想帶出背後嘅意義卻令人反思。戲中借用唔同嘅角色，角度去表達佢嘅思想。製藥公司製造出救人嘅藥物是否就真的代表著善？「洩密者」透露藥業界嘅黑幕是否就是惡？
image source:Facebook/殘の香港娛樂誌
7.沉默的證人
《沉默的證人》係一部2019年香港同大陸合拍嘅電影，兩大實力派演員張家輝同任賢齊再次合作。套戲講述張家輝飾演法醫陳嘉豪喺某個夜晚進行驗屍工作時，驗屍間卻突然遭到由任賢齊所飾演神秘犯罪頭目Santa所帶領嘅一幫來歷不明嘅悍匪衝入，但佢咃嘅目的竟然唔係劫財，而係要取走屍體身上嘅一顆子彈。一正一邪係戲中鬥智鬥勇，精彩嘅打鬥情節，智慧嘅比拼，想知劫屍背後嘅原因係咩，去睇呢套戲啦，所有嘅答案都喺嗰到。
image source:Facebook/沉默的證人 Bodies At Rest
6.入鐵籠
《入鐵籠》為2019年上畫嘅港產片，由林耀聲、馬志威兩位飾演戲中嘅兩大主角，兩位喺戲中亦係兄弟。講起香港有關綜合格鬥嘅電影，一定要提當中嘅經典——《激戰》。雖然係同樣嘅題材，但卻係唔同嘅故事，《入鐵籠》主要係講述一對兄弟，兩人心境慢慢成長嘅故事。戲中打鬥情節嘅拿捏得啱啱好，節奏並唔會過快或過慢，鍾意動作片嘅你一定唔可以錯過！
image source:Facebook/Edward 馬志威 Official
5.追龍II：賊王
《追龍II：賊王》並非完全為電影2017年《追龍》嘅續作，呢套戲改編自曾綁架李嘉誠長子李澤鉅嘅「世紀悍匪」張子強的犯罪故事。由影帝梁家輝喺戲中飾演張志強嘅角色，以綁架富豪賺錢的犯罪團夥的老大，仲有另一影帝古天樂飾演香港警方臥底何天。兩大影帝嘅對手戲令人大叫過癮，電影情節十分緊湊，仲有好多計中計，懸疑又燒腦，真係完全估唔到下一秒情節會變成點。
image source:Facebook/追龍II: 賊王 Chasing the Dragon 2: Wild Wild Bunch
4.邪不壓正
《邪不壓正》為2018年嘅中國大陸武俠動作喜劇片，電影改編作家張北海嘅武俠小說——《俠隱》。而當中更有兩大動作巨星做主演，彭于晏同廖凡。戲中李天然（彭于晏飾）喺年少時慘遭同門師兄朱潛龍（廖凡飾）滅門，師父、師母同師姐一夕之間全都被殺，而李天然受傷僥倖逃出，長大後回到北平打算為師父報仇。戲中嘅打鬥情節非常激烈，拳拳到肉，而已戲中不時又有導演姜文特有嘅自我嘲諷嘅黑色幽默，為套戲加上唔少樂趣。
image source:Facebook/邪不壓正
3.掃毒2天地對決
《掃毒2》唔係2013年電影《掃毒》嘅正宗續集，而係一個全新嘅故事，所以大家唔需要擔心到時候會睇唔明。劉德華、古天樂領銜主演。套戲講述慈善家兼金融钜子餘順天（劉德華飾），兒時親眼目睹父親被毒品所毀，因而痛恨毒品，以高額獎金懸賞香港嘅大毒梟地藏（古天樂飾）。但隨著戲中情節嘅帶動，原來餘順天同地藏之間係互相認識，更有同門嘅關係，到底誰正誰邪？
image source:Facebook/掃毒2天地對決 The White Storm 2 Drug Lords
2.廉政風雲：煙幕
《廉政風雲：煙幕》嘅主角就係兩大影帝——劉青雲同張家輝，一睇到個演員名單，就知道一定要去睇啦。呢部更係由無間道嘅導演——麥兆輝擔任編劇及導演。《廉政風雲》有三部曲，分別係《煙幕》，《黑幕》同《內幕》，描述香港廉政公署調查一宗非法走私菸行賄案件嘅故事。所以如果想明白當中一啲理解唔到嘅情節，就要去睇之後嘅續集啦，相信導演一定會喺之後戲中慢慢交代。
image source:Facebook/廉政風雲 煙幕 Integrity
1.無雙
《無雙》係2018年一部香港犯罪懸疑片，以偽鈔為題材，獲得第38屆香港電影金像獎最佳電影、最佳導演和最佳編劇等七個大獎。仲要係由香港兩大男神——周潤發、郭富城主演，故事主要係講述偽鈔集團主腦吳復生（周潤發飾）與一名落魄畫家李問（郭富城飾）聯手造出超級偽鈔的故事 。劇情燒腦，誰真？誰假？總之睇嗰陣一定要打足十二分精神，唔好MISS任何細節！
image source:Facebook/無雙 Project Gutenberg掃毒２除咗有男神，仲有其他爆點
好多人都好期待《掃毒2天地對決》。但係點解大家會咁期待？因為首先有兩大女神林嘉欣、周秀娜同影帝劉德華、古天樂嘅合作演出，仲可以聽到劉德華同古天樂合唱嘅主題曲——《兄弟不懷疑》，仲好多網友都話好好聽㖭啊！而且《掃毒2》係一部動作犯罪懸疑電影，咁當中嘅動作畫面同特技一定十分精彩。而且喺電影預告入面見到，原本華仔同古仔兩兄弟拍住上，但古仔私下販毒，被鄭則仕發現，華仔聽命對古仔用家法伺候——斬手指，令人齋睇預告都緊張埋一份啊！其他精彩劇情小編就唔爆雷喇！仲有邊個會願意錯過《掃毒2》呢？
分析說明：
本研究資料由《KEYPO大數據關鍵引擎》提供，分析時間範圍為2018年07月03日至2019年07月04日。
網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『雙雄電影』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
Lam Chan 又係一隻智障扮聰明嘅..........😑😑😑
2019年07月17日01:29
顯示全部