彩虹再見？石屎森林之中能夠淨化你厭世心情嘅建築與壁畫街！

身為香港人嘅你一定要去吓！

最近具有55年歷史嘅「打卡勝地」彩虹邨可能面臨重建，彩虹邨嘅樓宇有嚴重老化問題，經常會有天花石屎剝落，所以八成嘅彩虹邨居民同意重建計劃。重建當然係對彩虹邨居民最好嘅對策。而係香港依個壓力爆煲嘅石屎森林，好可能又少咗一個可以假日去影吓相、放鬆心情解壓嘅地方。所以今日DailyView用網路大數據整理咗一共十個香港建築同壁畫依家嚟睇吓啦！

DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog……透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
image source:unsplash

5 樂華南邨

建築特色：淺藍色嘅同心圓圈圈隧道

講起樂華南邨大家其實一開始都不會太多熟悉，但大家睇到近年來眾多IG女神Po過嘅淺藍色嘅同心圓圈圈隧道就應該認得出來。而呢啲淺藍色嘅同心圓全部都係位於樂華南邨停車場嘅天台，只要係正面拍攝就會做出一個有圓形所構成嘅藍色隧道，再加上不同嘅濾鏡就可以做出唔同嘅風格效果。2017年韓流組合GOT7來港拍攝MV《You Are》樂華南邨就係其中一個嘅取景處，樂華南邨就係咁衝出香港，被大家看到。

image source:IG/xxcaoxx

4 華富邨

建築特色：頂樓井形設計

講起華富邨大家其實一開始都不會太多熟悉，網上亦都唔係有好多人介紹華富邨但點解可以做到第四位呢？就係因為華富邨特別嘅井形設計。只要去到中央大廳向上望就可以發現到一個非常工整嘅正方形通道通往天空，感覺到對天空嚮往。另一方面都可以由上而下拍攝岀藍白相間嘅樓層帶出人間嘅煙火氣。魔鬼存在於細節之中，華富邨係每一角度睇都有不同景象，但呢啲就要靠大家嚟慢慢發掘。

image source:IG/loting

3. 石硤尾南山邨

建築特色：被屋村包圍住嘅彩虹橋

相對起華富邨來講，石硤尾嘅南山村大家應該會熟悉得多。南山邨最出名嘅彩虹橋位於南山廣場平台上嘅天台。平台會有一些老屋邨風味特色小店，經過樓梯上去天台就可以看見兩道彩虹橋，分別係前後兩個位置。通常大家都會喺後面嘅彩虹橋影相，但如果遇到有人喺度影緊唔肯走嘅話，其實可以喺前面彩虹橋影相調整一下角度，都可以影出相同嘅效果。

image source:IG/63.winslow

2 彩虹邨

建築特色：彩虹一般的色彩

講到香港最出名嘅一條屋邨，當然就非彩虹邨莫屬。從之前香港人嘅IG打卡勝地到而家揚名海外嘅旅遊熱點彩虹邨真係話得上係最多人認識嘅屋邨。前排仲有位美國攝影師Alex Jiang嚟香港拍攝彩虹邨嘅照片係蘋果所舉辦嘅國際性嘅比賽「Shot on iPhone Challenge」因而得獎。但係因為彩虹邨都已經有55年嘅歷史，所以好多樓宇老化嘅問題都出現咗，好可能就會面臨重建。

image source:IG/xiiyyy

1. 鰂魚涌 怪獸大廈

建築特色：密集而擠擁重疊嘅樓房

作為《變形金剛4》拍攝地點之一嘅怪獸大廈，近年係國際間爆紅。不斷有好多國內嘅明星歌手都嚟到香港去怪獸大廈拍攝。例如：Alan Walker的《Sing Me To Sleep》MV，由日本女優滿島光岀演的日本樂團 MONDO GROSSO的《ラビリンス》MV，還有前AKB48成員小嶋陽菜等。其實係由海山樓、海景樓、益昌樓、益發樓及福昌樓五座大廈所造成E形建築。但18年開始「怪獸大廈」五座大廈的法團出告示禁止拍攝、錄影，建議大家去到可以用肉眼去欣賞。

image source:IG/kai_kai0612

5. 錦田壁畫村

壁畫特色：以「愛」為主題，並加入圍村嘅歷史文化。

錦田壁畫村係由一位中學視藝科老師郭燕銘發起，每一幅壁畫都係由多位義工參與繪製，共有30幅壁畫。目的係希望透過壁畫藝術令世界變得更美好。例如：作為開始嘅第一幅作品《天佑之城》嘅概念係希望上天愛護眷佑錦田，讓世世代代興昌繁盛；《花花愛巢》一雙一對的鳥兒在花間享受著生活，不用勞碌，不用憂慮，因為大自然已供應一切所需。假日就來錦田睇下壁畫脫離城市繁囂，放鬆心情啦。

image source:IG/ bforberyland

4. 藝里坊壁畫

壁畫特色：多位不同嘅個外國藝術家所繪製，風格多樣

「藝里坊ARTLANE」一共有十六幅巨型壁畫為西營盤舊區添加活力元素，主要位於西營盤嘅奇靈里，石棧里同忠正街。每幅壁畫都有唔同嘅主題。例如有各位藝文青嘅熱門打卡位《彩虹樓梯》、幾何立體多邊形繪畫風格《動物小鎮》，仲有行過多兩步就以為去咗外國嘅《維也納音樂小鎮》。其中有多作品都好有意思，只要細心觀察到到都係打卡位。

image source:IG/mao_mao_yang

3. 深水埗巨型立體熊壁畫

壁畫特色：超巨型3D彩色熊啤啤

巨型立體熊壁畫嘅位置大南街萬風大廈，由西班牙藝術家OKUDA SAN MIGUEL(Okudart)為改變深水埗一向傳統舊區風貌而繪製。而依隻熊仔嘅爆紅就比較另類。因為好多遊客係內地嘅應用程式上推薦左依個熊仔大廈壁畫，並且建議到附近嘅大廈天台上面拍攝打卡留念。住戶受到騷擾，將天台圍欄鎖上，更被破壞水管要自費修理。除咗騷擾到人之餘亦都好危險，所以建議大家都係唔好去天台依啲危險嘅地方。

image source:IG/yeh_0410

2. 港式潮語牆

壁畫特色：本地色彩濃烈嘅香港潮語

巴閉、二世祖、打躉、唞啖氣、正斗、老馮。觀塘鴻圖道嘅港式潮語牆係本土藝術家創作的作品。港式港香之餘也非常貼地，譬如話巴閉，巴同閉兩個字。點都睇唔出佢嘅意思其實係囂張、厲害嘅意思。唔係香港人嘅話都睇唔明咩意思。所以作為香港土生土長嘅大家有時間假日就嚟觀塘鴻圖道自己揀番個字一齊影相啦！

image source:IG/rebeccawsw

1. 嘉咸街

建築特色：香港歷史中嘅舊城區，極具記念價值

中環嘉咸街壁畫一共長五米，色彩鮮艷地畫著香港歷史中的嘅九龍城寨，壁畫上嘅一家一戶和那當時偷電用的電線桿密集擁擠的鉅細無遺地展現出來。嘉咸街將香港嘅舊時光留存在壁畫上。壁畫配上一級一級嘅樓梯，層次感就更為豐富。好多人都會選擇係壁畫嘅正對面拍照，但大家可以試下用唔同嘅角度影出黎可以造成與別不同嘅效果㗎！

image source:IG/yunzhen204

分析說明：

本研究資料分析時間範圍為2018年04月15日至2019年04月16日，共一年。

網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『打卡建築／壁畫街 』相關文本進行分析，並根據網友就該議題之討論，作為本分析依據。

本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。