【理想vs.現實】方健儀︰有人話北韓軍官好靚仔 我不理解

韓星玄彬與孫藝珍合演有線頻道tvN新劇《愛的迫降》，自播出以來掀起一片追劇潮，早前播出的大結局更創下tvN史上最高收視紀錄。《愛的迫降》講述一個韓國富二代女子和一名朝鮮軍官之間的愛情故事，玄彬飾演的朝鮮軍官有型又靚仔，迷倒不少觀眾。

曾到訪過北韓的方健儀，今日在社交網分享當年與一名北韓軍官的合照，以及一張《愛的迫降》劇照。她說︰「理想 VS. 現實？有人話北韓軍官好靚仔，我話去過北韓但不理解，而我係未睇過《愛的迫降》，仲以為『降』係『投降』嗰個『降』，又或者係『降頭』嗰個『降』囉﹗」

（即時娛樂）