陳自瑤被前度阿感爆經常黑面！網民鬧爆：分咗手仲消費前女友真係好cheap

39歲陳自瑤（Yoyo）跟老公王浩信近年多次被傳婚變，但二人一直未有公開作出回應。去到早前舉行的無綫《萬千星輝頒獎典禮2020》，王浩信在奪得「最佳男主角」獎時，在台上多謝老婆Yoyo，點知Yoyo就被影到疑似「黑面」，令婚變傳聞更似層層之餘，亦成為城中熱話，網民將Yoyo的表情截圖製成表情包！而20年前曾經跟Yoyo拍拖7年的黎國輝（阿感）昨日就在其YouTube頻道以「前男友」身分拆解Yoyo「黑面」的原因。

阿感跟梁梓禧（Roland）昨日就以「廿年前度男分析YoYo黑面真相」為題在Youtube公開一條影片，當中作為Yoyo前度的阿感就大爆當年拍拖Yoyo經常黑面，指Yoyo是處女座，黑面絕對不是一件奇怪事。之後Roland附和表示自己好怕處女座，跟Yoyo溝通唔到，因為「佢好處女座。」

阿感之後再分拆Yoyo當晚在《萬千星輝頒獎典禮2020》黑面的原因，指：「我做錯啲咩會令佢咁樣呢？鬧佢屋企人都唔得，要去到好大件事，去到關乎佢個人利益。佢要好有安全感，如果令佢完全失去信心同安全感，或完全失望就有機會咁。」Roland又話相信Yoyo跟王浩信之間一定出現問題，更指即使二人夫妻關係有多壞，另一半拎獎，應該要有少少動容及開心。不過Roland又指Yoyo是故意「黑面」想搏人氣，阿感亦同意：「發生喺陳小姐身上係有可能，佢事業心非常之強。」二人更笑指無綫可能計劃將Yoyo變成女一，再開拍類似《宮心計》等的劇集。不過影片出街之後，不少網民都批評阿感用Yoyo來「抽水」、「刷在感」、「咁嘅行為真係好cheap分咗手咁耐仲要消費前女友」、亦有人留言指Roland跟阿感講別人壞話，好人有限等等。