親子。育兒
唔知由幾時開始，生活的重心都係帶小孩s，家務事，工作，為小朋友張羅一些他們所喜愛的活動。我地成人似乎已經對生活失去咗應有的期待同渴望。每天每日都係過得平淡如水(雖然如此，但我仍然是感到幸福滿溢的)，即使快要過年了，看到四圍都係同過年有關的一切；包括報置，物品，你的內心還有期待同歡喜嗎?
還是跟我們以前一樣老早對這些節日失去咗興致，節日只係變成一個假期。
仲記我細個的時候，每年我最期待的就係農曆新年了。因為差不多到過年，就會開始需要同媽咪，家姐一齊打掃下屋企，媽咪又會帶我去hair cut，又可以成日跟媽咪出街，而且街上面大家的年味都好濃，一日行好多次多多回回都係跟媽咪去辦年貨，貼揮春，又可以食年糕，食湯丸，過年的美食係多到一個點呀；
以前細個年三十晚食年夜飯又好多好野食(又係食無誤)，有壓歲錢，新年又可以著新衫，其實呢d每一個細節都正正媽媽在我小時候給我體現的節日儀式感，所以經過多年我都係印象深刻，正正係因為呢份儀式感，過年就會成為一個有特別意義，會令人份外期盼的日子。
但唔知由幾時開始，一切都開始點變得有點模糊，或者長大開始外出工作後，生活跟工作壓力下，每天焦頭爛額、週而復始的生活下，我們都忘記了這一切當中的樂趣，這一切當中的美好了。
自從孖寶出世，佢地差唔多1 歲左右，我又開始重拾對過年的心情，一切都係為咗孩子s，即使成人再無感，但係我好希望過年係佢地心目中，除咗係有好野食、有新衫之外，過年前預備，辦年貨，貼揮春，包利是呢d種種的儀式，都可以深深烙給他們，亦令佢地知道過年代表家人團聚、係充滿著歡樂和同帶來希望的節日。
所以上個周未我就同佢地去買揮春，新年裝飾等。經過商場賣衫賣鞋的鋪頭都係迫滿人，我亦即時同佢地停底陪佢地睇，解釋比佢地聽因為快要過來，大家都出來添置賀年用品。佢地亦留意到過年鋪頭display的都係紅色，亦即時問我: 媽咪係唔係要買紅色衫……well 面對呢個神級回覆，我都需要諗咗一陣先話返比佢地知，之前媽咪亦有已經預備了新衫比佢地未著，上次亦有一起買了新鞋仍然係未開，可以留來過年時用呀。
我明白我地亞洲人係比較含蓄同內斂，亦比較小開口表達情感，但唔等同我地忽略咗身邊一切細小而美好的。
還好，孖寶細細個我就已經同佢地講愛之語，差唔多每日我都會叫佢地個名，好認真咁同佢地表達 I love you，亦有教佢地同珍愛的家人講Love you 愛你。所以佢地知道講「我愛你」去表達，好多時佢地都會主動話: 媽媽我好鍾意你等.愛之語。
其實所謂的Rituality，就係用莊重認真的態度去對待生活入面我地睇起上來無咩特別的野，發掘生活更多的樂趣。我深信一個充滿愛，仲有儀式感的家庭，一定可以帶比小朋友一個溫馨又幸福的童年，亦可以幫助孩子增加自我認知、將來學來會更好地同人相處。
小朋友見到家庭溫馨，自然就會對美好生活抱有尊重和嚮往；將家庭的儀式感展現在小朋友面前，慢慢佢地就會感受到家人對佢地無比的在意同愛。
儀式感唔單單係指過新年，亦可以有好多，我們成人可以做的就係積極地建立Rituality，盡量唔好比生活瑣碎事，影響到而忘記為小朋友去營造這一切。因為我地傳達咩情感出去，孩子s就自然就會接收到咩的價值觀。
這一切都係父母給孩子最好的成長禮物。其實就算日常小事都可以創造Rituality，就好似盡量唔缺席孩子s成長中重要活動；親子旅行，頒獎禮，小朋友演出等。等佢地知道自己係被重視，自然可以成就自信。
又好似小朋友生日，同老公的結婚紀念日，影張靚相，一齊食餐飯去特別慶祝呢件事，比小朋友多參與特定節日的流程，就好似之前提到的過新年。
為咗孩子s心靈健康、仲有等佢地知道將來無論遇到咩，都記著回家的路，不都是由這一切看似瑣碎，但又刻骨銘心的家庭小傳統所累積回來嗎?
希望你倆慢慢可以領受到神、同埋爸媽、家人對你哋滿滿嘅愛，長大後亦能愛己愛人。
另外，我地的專頁荔枝與孖寶現在亦有個免費農曆新年網上資源想同大家共享；大家亦不妨通過呢個「農曆新年 遊戲練習紙」，同小朋友一齊加深了解這節日。
*本文章的內容若未經授權，不得轉載