反對修訂《逃犯條例》嘅行動逾演逾烈,行政會議成員湯家驊今(17日)出席電台節目時建議成立「真相與和解委員會」,委員會可向特首建議特赦名單。時事評論員陳雲生狠斥湯作為資深大律師,提出成立該委員會無疑添煩添亂,委員會可提出特赦名單更係越俎代庖,斷送法治。
湯家驊指出,雖然政府有權立法禁止市民喺重要地方集會,但政府要先宣布香港進入緊急狀況,咁做距離中央介入只係一步之遙,而佢創立嘅民主思路參考咗海外經驗,建議成立「真相與和解委員會」,有別於坊間爭取嘅獨立調查委員會,目的係要令社會復原,而唔係懲處任何人,相反委員會可以向特首建議特赦名單。
廣告(請繼續閱讀本文)
對於湯嘅建議,陳雲生直指現時反修例風波仍未平息,對方提出成立真相與和解委員會無疑係添煩添亂,尤其係若果有人犯法,必須提出檢控,經法庭審判係咪有罪再做判決,最後才由特首考慮基於乜嘢理由,係咪會特赦;但湯建議嘅委員員可以提出特赦名單根本是越俎代庖,令現時參與遊行嘅年輕人有不必要嘅期望,以為毋須承擔法律責任,更加有恃無恐,做出更激烈嘅行動。
陳狠批湯作為資深大律師,唔應該提出呢啲不負責任嘅言論,尤其佢係行政會議成員,會令人覺得佢提出有關意見,背後可能代表政府或某些人嘅意見,而中央政府多次表明現時反修例行動已演變成類似恐怖活動,若果日後真係變成恐怖活動,亦非特區政府所能處理,因此若該委員會提出特赦名單,而特區政府最終做唔到,等如令政府失去誠信。
湯家驊曾力撐修例,被問及佢呢番言論係咪為自己補鑊?陳雲生指佢所創立嘅民主思路,早前多名核心成員跳船,已四分五裂,若果用特赦名單來補鑊,卻令香港斷送法治,社會唔會接受。
廣告(請繼續閱讀本文)
東網網站 : https://on.cc/
東網Facebook專頁 : https://www.facebook.com/onccnews/
Dai-Fai 湯家驊??信佢一成都雙目失明啦,林鄭都係因為信錯咗佢,好心返佢返歸啦⋯⋯
2019年08月17日12:19
德國佬 香港不嬲都係問責制 點和解啊
你估你係cy咩 可以同icac和解
2019年08月17日13:22
George 在工程界來講,在處理一件棘手的事情時用的方法叫 brainstorming。Brainstorming 是不排除任何意見同想法,到最後揀選最好的一個 solution 去解決問題。
湯大狀提出的建議也可以算是 brainstorming,但應該是一班行會成員或其他議員共同開會先討論,而不是獨自去諗啲建議,然後就公佈讓整個社會知道佢諗嘅方法有幾好,不知有幾多個議員都跳過出來提供建議話自己有幾威有幾醒。
當然佢哋全部都係專家,專家也可以透過會議討論,才公佈結果,唔需要單方面去認叻的...
2019年08月17日22:06
1 湯家驊,你係唔係痴㗎?為咗息事寧人,就要未審就放犯咁一言堂,湯家驊你係咪咁無膽?唔驚暴民更變本加厲,得一想二,更貪婪自大,更狂妄自大,更一意孤行暴力革命,因你哋俾錯誤信息佢哋,有人撐就可為所欲為?法治精神何在?香港好似你咁講咁做,仲點樣行落去?守法變得咁不需要嗎?怕咗佢哋暴力落去而妥協捨棄執法,放犯?世上邊有一個地方未審就特赦放犯?你知唔知後果又幾嚴重?佢地根本一早就有預謀精心策劃用放犯呢個無理訴求令政府無法妥協而屈政府唔合作,俾佢哋有借口有機可乘繼續惡搞香港落去,令香港像俾林鄭政府推到無底深淵,林鄭點可以咁一言堂話放就放?佢仲點面對世界話香港係安全可嚟投資因香港係法治社會?請你撐暴民前為香港諗清楚?特赦放犯真係會有你預期嘅出路同效果咩?沉醉暴力嘅暴民喎?!
2019年08月17日16:02
C@S 特赦?有病呀,劏+嘩!嘩衆(暴徒)取寵(暴徒)!
唔該去檢查一下身體,係唔係腦生蟲!
習近平嘅國慶70周年特赦令都唔包括呢類人啦!
多乜餘!
2019年08月18日02:19
顯示全部