新女登場！《愛．回家之開心速遞》Cute爆作家冧暈網民

無綫處境劇《愛．回家之開心速遞》又有新女登場喇！尋晚嘅一集一開頭就講熊尚善（滕麗名飾）舉行簽書會，點知就被身旁嘅年輕靚女作家路小小搶晒鏡！雖然路小小出場唔夠3分鐘冇對白，但成功吸引觀眾注意！

路小小真名叫羅毓儀（Yuki），樣子甜美，眼大大，同李蘊仲幾似樣添！其實佢之前都拍過《愛．回家》，不過今集呢個Cute爆Cosplay造型終於成功脫穎而出！Yuki係2019年第30期無綫電視藝員訓練班學員，之後除咗拍《愛．回家》，仲喺新劇《一笑渡凡間》扮演丫鬟，古裝Look一樣煞食！

鏡頭後嘅佢同樣Cute爆，社交網有唔少可愛裝扮，似足日本娃娃咁，佢仲好熱愛日本文化，除咗鍾意Cosplay，又識彈電子結他唱歌Cover日文歌！成個Package都咁掂，點會冇拍拖呀？冇錯…佢已經名花有主喇…佢同男朋友Mike不時拍片晒恩愛，早前佢生日，阿Mike就整咗個蛋糕送驚喜，未食都知甜到漏喇！

東網網站 : https://on.cc/

東網Facebook專頁 : https://www.facebook.com/onccnews/