TVB綠葉夫婦63歲陳榮峻同58歲吳香倫今年結婚兼到地中海度蜜月，十分Sweet啊！但佢哋出發蜜月前，吳香倫因久咳未愈，睇醫生時驚患上肺炎，肺部好大雜音，右邊肺有一半花咗，而左邊都有三分一花咗。
陳榮峻因為前妻因病離世蒙上陰影，所以今次特別緊張。佢哋早前接受傳媒專訪時眼泛淚光咁話：「知道嘅時候，個心真係好唔舒服，心諗點解所有不幸嘅事都出現喺佢身上！」吳香倫即刻話：「小問題啫～冇事咖！」
廣告（請繼續閱讀本文）
愛妻號陳榮峻「喺出發嗰日，我冇執行李，因為我諗住唔去！」「即使之後去咗地中海，但都冇辦法enjoy個行程。」
廣告（請繼續閱讀本文）
佢哋喺鏡頭前互訴心聲，陳榮峻好理性咁諗：「梗係身體要緊啦！旅行有買保險咖嘛，今次去唔到埋下一次囉！」吳香倫就小女人上身話：「對於女人嚟講，依家去（結婚後）同幾個月之後去，感覺好唔一樣！」
廣告（請繼續閱讀本文）
吳香倫食咗60幾日抗生素後，情況穩定落嚟，陳榮峻終於可以放心～
陳榮峻計埋拍劇嗰次，一共經歷兩次摯愛離世，希望佢今次真係可以同另一半「白頭到老」！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）