葡萄牙除咗有C朗同葡撻之外，仲有打卡必去嘅里斯本（Lisbon）！里斯本係葡萄牙嘅首都，喺葡萄牙嘅西部，亦都係歐洲必去嘅旅遊城市之一，每年都有超過100萬旅客去里斯本！
里斯本嘅地理特色係多山坡、少平地，多數樓房都係依山而建，所以有「七丘之城」稱，要上山或者落山就要搭市營電車同埋纜車，而黃色嘅電車就係最經典啦。
廣告（請繼續閱讀本文）
里斯本最靚嘅就係五顏六色嘅樓房，有好多房屋都係粉色系！隨便係里斯本其中一條街道影相都好靚！粉色嘅街道加上可愛嘅黃色電車，絕對係打卡勝地嚟！
廣告（請繼續閱讀本文）
你可以搭最經典嘅28號電車，沿路睇吓舊城區嘅靚景，吹下風，真係好寫意㗎！電車一日券都係6歐元，就可以任搭～
但搭呢架電車要小心啲！因為電車上有好多旅客，旅客嘅銀包同手袋就成為咗小偷嘅目標，所以喺人多嘅地方記得睇實自己嘅貴重財物呀！
廣告（請繼續閱讀本文）
見到粉紅色嘅屋仔同黃色電車，小編真係好想即刻飛去里斯本，瘋狂影相、打卡、呃like呀！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
