屯門古早味蛋糕再開分店 選址旺角 5款口味 流心朱古力＋抹茶＋芝士｜區區搵食

旺角居民有福了，於屯門起家的台灣手工古早味蛋糕小店古早記，最近亦於旺角開分店。古早記由一對90後情侶rain和suki經營，二人曾於台灣學師，店內蛋糕全人手即製，新鮮出爐，一共5款口味，包括原味、芝士、朱古力、抹茶及肉鬆，太子店才剛開不久，已大排長龍，更要取籌才能買到，日賣150個，絕不簡單！

撰文：Sakura、Rice 攝影：Cliff、官方圖片

旺角插旗！古早記再開分店

於屯門起家的台灣手工古早味蛋糕小店古早記，最近於旺角開新分店。店內蛋糕鬆軟濕潤，且全人手製作，難怪開業不久已大排長龍！

古早記（旺角分店）

地址：旺角彌敦道787號鋪（顯示地圖）
營業時間：星期一至日 1pm-8pm（休息日不定，可留意店舖Facebook及IG專頁公佈）

早前新假期屯門分店報導：

屯門90後情侶賣手工古早味蛋糕！

每逢到台灣遊玩，都會吃當地著名的古早味蛋糕，屯門就有一對90後情侶rain和suki，因為一次到台灣旅遊時，食到當地古早味蛋糕，一試愛上，就萌生想將這充滿台灣風味的蛋糕帶回香港，最後更遠赴台灣向當地師傅學師半個月以上，最後在屯門創立第一間古早味蛋糕店。

日賣150個！爆漿流心芝士＋朱古力

店內的古早味蛋糕一共有四款口味，分別是原味，芝士，朱古力，肉鬆，各有特色，每個蛋糕要焗大約一個半小時，每日分時段出爐，不過由於人手有限，售完即止，而每次出爐老闆都會預先派籌，以防街坊撲空買不到。而四款口味中，老闆最推介就是芝士和朱古力口味，同時製作最繁複的兩款口味，其中芝士口味選用，紐西蘭芝士和美國芝士2種芝士作餡，再於蛋糕面灑上巴馬臣芝士粉，令芝士味更濃郁，食落更有流心效果！

而另一招牌朱古力味，特別多小朋友喜歡吃，用上約45至50%甜度的朱古力漿作底層，蛋糕身就用可可粉調至約70%甜度，再於蛋糕面會灑上朱古力豆和朱古力碎，成個效果就會更靚，食落朱古力味香濃，蛋糕鬆軟和軟滑，不會太甜，而且中間更有朱古力流漿的效果，超正！

老闆表示原味口味適合第一次食古早味蛋糕的人，因為他們所製作的原味口味，是古早蛋糕最原始的味道，食落有點像平時的蒸蛋糕，但更加鬆軟，蛋香味十足，又不會太甜，所以大人和老人家會比較喜歡吃。

另一款新推出的肉鬆口味，豐富鹹香肉鬆味，整舊鋪滿肉鬆碎，相當足料！

古早記
地址：屯門龍門路43號龍門居地下28號舖 （顯示地圖）
電話：從缺
營業時間：星期一至二、四至日3:00pm-10:00pm；逢星期三休息