大媽坐中安全帶扣　激動喊變「忽必烈」︰我要投訴

蒙古大汗忽必烈現身巴士？近日有大媽搭巴士時，意外頂到座位的安全帶扣後，要求司機拆除安全帶扣，惹來不少網民狂嘲：「忽必烈」。

有乘客投稿至Facebook專頁「巴士台 HK Bus Channel」表示，有大媽一下坐落關愛座時，「唔為意有個安全帶扣，一個大屎忽得咗落去」。大媽隨即大叫：「呢個『死人嘢』哽到我好痛，救命呀，哽死我啦」。

情緒激動的大媽更要求司機停車，拆除安全帶扣：「哽到我屎忽爛喇！」惟司機斷然拒絕，解釋指安全帶是保障乘客安全而設。大媽聞言怒罵：「依家哽到我屎忽裂開啦，仲話保障我」。

雖然有乘客曾勸阻大媽，惟大媽揚言要向巴士公司投訴，又叫司機調高座位高度。司機為安撫大媽情緒，只好點頭應好。

不少網友斥道：「畀幾蚊雞當自己係大帝」、「無安全意識」、「整親點解唔幫人報警Call救護車呀」、「減肥咪得」。

---------------

《港呢啲》：大事小事騎呢事，東網嚴謹選題，輕鬆製作！

東網網站 : https://on.cc/

東網Facebook專頁 : https://www.facebook.com/onccnews/