廣告（請繼續閱讀本文）
人氣堪輿學家七仙羽（七師傅）繼續為繽FUN星網《#娛樂Hashtag》擔任嘉賓，今集主持人謝嘉琪就上網搵關於七師傅嘅關鍵字，喺Search之前七師傅自爆成日畀人鬧「神棍」、「大媽」，不過佢一啲都唔介意，仲一笑置之。
然後發現最多網民討論七師傅嘅事有Stricker、年齡、做法事收費、地址、男朋友、法力準唔準、背景同「神棍」，先問到七師傅係咪收埋年齡做秘密？佢自幽一默話︰「唔秘密，我係『18歲加』，任你加！」
喺節目後半段，談及七師傅同有哈佛學歷嘅外籍男友Gerald戀情，問到有咩保鮮方法？佢話絕對唔會綁死另一半︰「唔會同佢講Don't leave me（唔好離開我）、I need you（我需要你）呢啲說話，愈係同男人講冇你唔得，佢哋就會覺得好煩。」佢亦從來都唔會睇對方電話Check訊息同睇相，畀一定嘅空間男友，係信任同尊重，然後師傅再分享更多兩性相處之道，想知仲有啲咩情侶相處Tips？七師傅又點睇網民鬧佢騎呢、無厘頭？咁就一定要睇今集《#娛樂Hashtag》！
廣告（請繼續閱讀本文）
東網網站 : https://on.cc/東網Facebook專頁 : https://www.facebook.com/onccnews/