謝霆鋒相隔4年出新歌　啟德主場館演唱會前試聲拍埋MV

謝霆鋒日前宣布今年4月於香港啟德主場館舉行《Evolution Nic Live謝霆鋒進化演唱會》，成為首位於啟德主場館開show的亞洲歌手。謝霆鋒更在演唱會前推出新歌《逆行》，還在啟德主場館拍MV。

相隔四年，霆鋒親自作曲，以搖滾風格演繹全新廣東歌《逆行》。MV於今日上架，講述男主角從小愛美術，卻得不到父親認同，還被同學欺凌、受老師處罰。但他未有違背自己初心，一直從事時裝行業，卻又被老闆指責，但他堅持沒有放棄，最後縫製了霆鋒在MV中穿著的皮褸。

霆鋒於MV中穿插，拍攝地點正將舉行演唱會的地點啟德主場館，霆鋒表示：「其實當日主要係想喺場地試音，之後就順便影埋演唱會海報。拍拍吓，大家忽發奇想，其實係咪可以喺度拍埋新歌MV呢？因為都覺得係一件好有代表性嘅事。有關方面亦都好好，最後俾我哋喺度拍埋MV。」

睽違已久，粉絲對於霆鋒出新歌興奮留言，「好聽到爆」、「謝霆鋒嘅歌曲，歌詞往往都，好表達到我心聲」、「正呀！終於比我等到。。好多年都冇試過一首歌連續loop 十次都唔悶嘅感覺」。