周嘉洛爆令Chantel「焗蟹」真兇　帶頭大哥係邊個？

藝人古佩玲與周嘉洛今日（23日）出席《愛．回家之開心速遞》宣傳，提到新加入劇組的姚焯菲指嘉洛拍攝時經常引她發笑，嘉洛否認有心，又指是單立文帶頭，笑言：「我唔係賴佢，我係將個榮耀同功勞畀番佢。（係咪覺得佢好得意？）佢得意就係公認，佢真係好叻，如果我18歲可以好似佢咁，我依家唔止呢個位置，佢悟性高，學習又快，唔似剛剛拍劇，佢第3日開工，已經有啲嘢畀番我，可以唔跟劇本，即場做反應。」

古佩玲就自嘲18歲時仍處於發夢狀態，未清楚自己的目標以及十分驚青，講到外界盛傳她的每集人工是《愛．回家》女藝人中最高，她否則其事：「如果有咁高就好，呢個係我嘅目標，真係有咁高，我發夢都會笑醒。（話你最受力捧？）我都係做番自己嘢，如果我咁高人工，我笑嘅程度就唔係依家咁。」至於周嘉洛亦否認外界所傳的人工。

東網網站 : https://on.cc/東網Facebook專頁 : https://www.facebook.com/onccnews/