農曆新年大家除咗去拜年，當然唔少得去親戚朋友屋企打牌聚賭，同埋睇賀歲片！想集齊以上應節活動，推介大家去睇蛇年賀歲片《祥賭必贏》！由蔡卓妍 (阿Sa) 夥拍張繼聰 (阿聰) 聯合主演，兩人飾演一對閃婚夫妻，一個爛賭、一個最憎人賭錢，碰撞出最擊烈的矛盾大對決，究竟會擦出什麼火花？二人出道多年，首次合演CP，今次編輯決定考驗一下佢哋嘅合拍程度！
考驗1：論盡《祥賭必贏》賭場之最
《祥賭必贏》由蔡卓妍、張繼聰、朱柏康、吳家忻、邱士縉、楊偲泳、楊偉倫、胡楓主演，每位聽落都頗有實力，但「賭場之最」誰屬？電影「最後大佬」又是誰？
「最爛賭」
《祥賭必贏》誰是「最爛賭」的角色？阿Sa大爆「一定係我！不過我係有苦衷……因為我細細個就要照顧細佬，所以先逼住要靠賭錢維持家計……」聽兩句已經歪理連連！
身為戲中老公的張繼聰就維護阿Sa：「其實佢都係大局為重咋，套戲係因為佢『爛賭』而起，如果佢唔『爛賭』，我哋成套戲嘅走向就會截然不同㗎喇。」二人又大賣關子，指戲入面尚有一個好賭成性的角色，不過就要上映時才為大家揭曉。
「最有錢」
要數《祥賭必贏》最有錢角色，有兩位可以鬥個難分難解。原來戲內朱康與修哥 (胡楓) 都大富大貴。張繼聰說：「修哥喺戲中飾演我嘅爺爺，家族經營涼果店，已經幾代相傳；而另一個有錢人就係朱康，佢係中韓混血富二代，亦係戲中相當重要嘅角色。」
「最有品」
問到誰最有品，張繼聰覺得戲中自己人品相當好：「我覺得好多人都好有品，不過最有品一定係我。我雖然最憎人賭錢，但知道老婆爛賭，我都對佢不離不棄、唔割蓆、冇反面，我覺得自己人品真係唔錯。」
「最奸詐」
一般電影都有「正」、「邪」兩派大對決，《祥賭必贏》似乎也沒有例外。要數最奸詐角色，張繼聰直指阿Sa，阿Sa立即反駁：「我一啲都唔奸，雖然我爛賭冇話畀你知，我只係未講，我冇呃你喎！」阿Sa又給大家少少劇透：「其實朱康角嘅設定係最奸嘅，不過呢……」想知道就要自己入場揭開真相了。
「最夠運」
要賭贏，必需實力與運氣兼備，不過數到最夠運之人，原來並非賭運過人，而是兩個天生可以不勞而獲的角色，阿Sa與張繼聰不約而同表示：「其實我哋細佬妹真係最夠運，Stanley同家忻由頭同尾唔需要為錢而煩惱，印印腳等我哋養。」
考驗2 互揭黑歷史
入行多年，阿Sa與張繼聰已非第一次合作，二人有過多次「交集」。二人初次相遇是2003年電影《戀上你的床》，甫出道已是女一的阿Sa，與當時客串做臨時演員的阿聰巧合同框，張繼聰回憶：「朋友叫我去做臨時演員，我就去玩玩。好多群眾演員都企喺後排，而我就啱啱企喺阿Sa後面，冇對白，負責跟大隊拍手掌。」
另一次較多對手戲的演出，已數到2018年的電視劇《PTU機動部隊》，「當時我正在準備另一角色，正在增磅。嗰時自己就覺得好心虛，因為阿Sa配林峯，完全係俊男美女嘅組合，而我就係一個大肥佬，個心真係『虛虛地』。」不過阿聰都不甘視弱，大爆阿Sa當時戴著的是假髮，「不堪回首指數」也不惶多讓，未知二人互相傷害之後，令他們的黑歷史點擊率刷新紀錄？
考驗3：自爆賭錢實力
主演賭片是否要識賭？也是一條好問題。張繼聰在戲內最憎賭錢，現實生活中對賭博認識也不深：「麻將、賭馬，我幾乎完全不懂，我只是小時候看香港賭片學識一些啤牌技巧。」
而戲中飾演爛賭女生的阿Sa，不抗拒賭博，但獨孤一味喜歡打牌：「我覺得麻將簡直是國粹！我覺得不一定要賭錢才夠刺激，不賭錢，我也很喜歡與好朋友聚在一起打牌，衛生麻將我都OK㗎！皆因麻將的變化實在太勁，實在太好玩了！」看著阿Sa說到打牌即感到莫名興奮，相信不少人會被她「熱愛賭錢」的氣場所感染！
考驗4：分享笑場唔劇透？
演賭片要「從頭笑到尾」，會否花費大量心機與體力？阿Sa與阿聰都覺得，拍戲期間做費力的環節是忍笑。張繼聰自認忍笑能力差，自己想到的gag，未爆出來已偷偷在暗笑。而阿Sa也指自己忍笑忍得好辛苦，更試過問導演既然自己沒對白，鏡頭可否不要帶過她。「點知張繼聰竟然叫導演一定要影實我，真係好賤！哈哈！」
張繼聰回憶當中搞笑一幕：「我記得有一場，我忽然見到Stanley流眼淚，我擔心佢就問候下佢啦，驚佢工作太攰或者有時唔開心，諗住開解下佢，點知佢話笑到喊、笑到肚痛，後尾連家忻都笑埋一份！」能夠在歡笑中完成電影拍攝，也算是另類享受吧！
到底《祥賭必贏》能否與已往的經典賀年電影一樣，成為令我們開開心心「翻睇再翻睇」的新一代經典之作？今個賀歲檔自有分曉！
producer: Mabel Shek
editor: Sue Wai
video editor: Miffy Law
On Charlene
hair stylist: Prudence Wong @Artify Lab
makeup artist: Natalie Soo and Justine Tang @NDnCo.
fashion stylist: Paris @PIPA Creative
On Louis
hair stylist :Sam Cheung
makeup artist :LevinaBoMakeUp
venue: Club One
Follow she.com on Facebook & Instagram