佘詩曼為演主播準備大半年　盤點首集霸氣語錄

由佘詩曼、馬國明、李施嬅等主演的TVB台慶劇《新聞女王》昨晚（11月20日）首播，片頭以「小劇場」代替主題曲，第一集小劇場主角是Man姐，雖然只有約四分鐘長，已將Man姐高冷、果斷及有智慧的女強人人設展現，先後收服老闆級盧博士（鄭啟泰飾）及熱血學生Bella（郭柏妍飾），尤其反問Bella的數句更是句句啜核：「觀眾望住個畫面就決定轉台定繼續睇落去，你有冇把握黃金七秒？」、「想做主播淨係有記者Sense唔夠喎」。

首集的間場是貼題的主播用語解釋，之後進入戲肉—大型巴士翻側意外。SNK News兵分三路做故仔—包括Man姐領軍的「文家軍」，核心成員有Man姐貼身跟班曉薇（何依婷飾）；梁景仁（佐治，馬國明飾）的「佐治黨」，核心成員有擅於搜集爆炸性花生角度的Cathy（高海寧飾），以及堅守新聞第一現場的張家妍（李施嬅飾）。

第一集佘詩曼由頭帶到落尾，事故發生後Man姐拿著咖啡直衝主播間、以機關槍式口脗向團隊發施號令；之後一幕Man姐在倒數直播出街的生死關頭，竟以無人可取替的主播身份、威脅新聞總監飛爺（鄧智堅飾）將芷瑤交到她手上，並信心爆棚爆出一句：「我都好想知邊個坐到我呢個位！」。

阿佘透露一早為演主播做定功課：「開拍前大半年我已經睇緊劇本，當時亦開始做功課練聲，睇咗好多唔同國家新聞主播報新聞，睇吓邊種演繹方式啱Man姐。」對於對白又長又涉及大量專業名詞，阿佘笑言由於要每天密集式開工，故絕對是大挑戰：「我每日拍十幾場戲，工作量大又多嘢記，每日收工返到屋企好似打完一場仗咁，不過自己都享受呢種成功感。」

Man姐首集霸氣語錄包括「呢行邊個唔搶呀？搶獨家搶頭條搶畫面搶人！」、「咩都要我講你先識做，公司可以冇咗你喇喎」、「依家上網咁多嘢睇，點解一定要睇我哋先？所以我哋要多角度、專業分析、要新嘢、觀眾未見過嘅最好」。