張兆輝再奪最佳男配角：做壞人比好人更容易

藝人張兆輝憑電影《困獸》獲「2023第15屆澳門國際電影節暨第14屆澳門國際電視節」頒發「最佳男配角」，擊敗勁敵方中信及吳鎮宇，對於得獎，他表示真的很開心：「從來冇諗過我會再次拎到呢個獎，一部電影一條命，我真係好鍾意電影、好愛電影，《困獸》呢部戲經歷咗3年幾嘅拍攝，真係好唔容易，呢個獎唔係我一個人，而係整個製作團隊，謝謝彭發導演同製片人張洋，謝謝電影每一位投資方，謝謝大家鍾意『四爺』呢個角色，謝謝一直搵我拍戲嘅每一位。我喺度代表《困獸》劇組謝謝澳門國際電影節。」

問到演好男配角是否非易事，他認為對他來說男主與男配也是一樣，他是因為喜歡該角色才接拍，在片中飾演反派的他笑言：「反而我覺得壞人比好人更容易做，更容易有好發揮。（以後會唔會想做更多壞人嘅角色？）想呀！香港製作人成日覺得我太正氣，其實係角色帶動演員，而且依家嘅現實世界，冇話奸唔奸，只有利益關係，只是大家唔同觀點同角度。」

東網網站 : https://on.cc/東網Facebook專頁 : https://www.facebook.com/onccnews/