近年樓市低迷，Now新聞台節目《經緯線》日前播出專題〈再見負資產〉，其中32歲港女Charlene接受訪問，自揭持有5層樓，因樓價大跌導致3個物業陷入負資產，帳面損失超過千萬元，一度戶口僅剩5、6千元，慘況觸發網民熱議。事後有網民起底，發現Charlene早於2023年曾亮相ViuTV節目《晚吹一戀講嘢》，自爆曾做過「飯局妹」，甚至開價十幾萬追討「摸胸費」和「分手費」。
Charlene在《經緯線》節目中表示，自己大學時靠炒股賺得數十萬，2015年首次在深圳置業，其後再在澳門及香港購入物業。年紀輕輕已擁5層樓，自覺跑贏同齡人。她曾坦言：「我以為樓價會永遠升。」未料近年樓價回落三成，令她手上3個單位成為負資產，供樓壓力沉重，每月供款近6萬元，一度要動用儲蓄，戶口僅餘數千元，情緒崩潰：「嗰陣係日日喊囉。」
Charlene又自爆過去經常一餐食2、3千元，但現時為節流改食「800至1,000蚊」午餐，甚至自己煮飯，買名牌亦由LV變成千元內包包。但她的「賣慘論」未獲網民同情，反被狠批「離地」、「曬命」，有人直言：「我食緊35蚊兩餸飯，你話冇錢開飯？」、「摸頂買樓都係你自己決定」、「銀行冇錢都仲食千蚊飯，邊個信你？」
網民其後發現，Charlene曾上過ViuTV節目《晚吹一戀講嘢》，自爆曾做過所謂「飯局妹」，陪客人食飯聊天，更因與一位「老闆仔」發展曖昧，被對方親吻及觸摸胸部後，開口要求對方支付「十幾萬」作「摸胸費」及「分手費」。她更透露曾聯絡對方公司同事幫手追數，主持193（郭嘉駿）聽到報價後亦驚呼：「你個胸好貴！」
據報Charlene本名「曾上游」，曾做護士、私影模特兒，亦在其他節目中分享夜蒲經歷。她曾接受訪問，坦承一度因貪財接受過一次收費10萬元的不道德交易，但聲稱「以後唔會再做」。她更表示因曾被男人欺騙，自此改變愛情觀：「唔拍拖，直接講錢，無拖無欠。」
Charlene 又曾為田蕊妮主持的網台節目《港女又萬歲》做嘉賓，大爆曾幫《愛回家》女藝人牽線出席飯局。
Charlene 被起底後，網民表示「成件事變晒質」、「原來一直都係曬命唔係賣慘」、「你生活咁高調，點令人同情你？」、「摸胸收十萬都講得出，供樓咁辛苦都係自找嘅。」、「原來我唔係睇新聞，我係睇真人騷。」
Charlene亦火速於社交平台出post反擊，寸爆網民：「我想講依家食$2,000唔係高級餐廳囉！」她更貼出與友人的對話，指兩人食日本料理都要5、6千元，間接反駁網民的批評。她補充：「我覺得中產以上嘅單身人士，應該唔敢喺網上post日常生活，其實我想講，我就算今日去啲要$2,000以上嘅餐廳，都坐到差唔多滿。」至於網民問點解唔食譚仔慳錢？Charlene直接回應：「因為喺屋企食唔使錢！」。
