前微辣多姐好媽媽形象復出！網民唔撐：你可以幸福生活不過阿晶就慘！另外兩位成員劉藴晴與雞wing都有新動向？

微辣前經理人阿晶輕生一事距今已經將近1年，事件令微辣停止營運，而在踏入2024年，前微辣藝人紛紛試水溫復出。早前Doris多姐（李天慧）就高調出新片，就連Rachel（劉藴晴）以及雞wing（陳康榮）都有新動態，對此，網民卻普遍持反對態度。

前微辣多姐試水溫

微辣前經理人阿晶疑受到職場欺凌而輕生，近日，前微辣藝人紛紛開始再次活躍於幕前。曾牽涉跟阿晶搶Job糾紛的多姐，在產子後隱身了6個月，近日再拍片分享湊仔經及產後修身，由性感網紅，搖身一變成為好媽媽形象，為復出試水溫。

網民對前微辣多姐復出反應兩極

不過網民反應兩極，有一部分網民叫多姐加油：「支持 開心你拍番片」、「等你好耐啦！ 期待你同加蔥一齊拍片」、「唔講咁多，加油啦！希望你之後都會繼續出片」、「多姐正啊！唔好嘅人和事忘記佢清洗佢，重新出發。」

但亦有不少網民重提阿晶的事件：「試水溫，搵大銀？你就好啦，可以有咁幸福生活，不過阿晶就慘」、「潛吓水又可以重新出發搵真銀」、「阿仔大個之後知道媽媽做過嘅事唔知會有咩反應」、「果然人無恥便無敵」。

微辣風波｜加蔥開直播復出玩會員制影片 大批網民怒斥：點解可以咁厚顏無恥

前微辣劉藴晴新動向

除了多姐，前微辣藝人劉藴晴（Rachel）亦有新動向，她隱身了近5個月後，終於更新社交平台，更在今年3月時，宣布加入澳門樂隊「青原FIDA」，並參與巡迴演出中。不過，有網民發現劉藴晴的社交平台已將與男友卡特的合照刪除，疑似7年情告吹。

前微辣雞wing新動向

而從去年7月開始隱身的雞wing（陳康榮），早前也在社交平台試水溫，更分享了求婚成功的喜訊。雖然雞wing的喜訊有部分網民留言祝福，但亦有不少網民表示：「阿晶都會恭喜你」、「我真係代阿晶恭喜你，咁無人性都有得結婚」、「你哋過得咁幸福嘅時候會唔會覺得對唔住Jane？」。

Follow she.com on Facebook & Instagram