1.MIRROR成員Frankie 陳瑞輝（皮皮）前年跟拍拖逾十年EX分手，舊年聖誕公佈新戀情，不少post大哂「女友視角」。近日兩人再高調啲 試水溫 ，滿心歡喜準備迎來全城祝福，點知卻係全城咒罵！
2. 事關呢位現任女友Christy ，被網上連環爆出黑 歷史，突破三觀低位無極限！超少布泳衣已經小兒科，佢嘅愛情觀令人咋舌，包括「今年所有關係都係做人小三」、「見一個愛一個」」、「玩厭左（人地男友）爆俾佢條女聽」。
3. 事件引起網民暴動，正當皮寶寶 （Frankie 粉絲匿稱）以為偶像會宣佈極速斬纜以免賠上事業之際，由Makerville 任經理人的 Frankie ，發出的聲明又刷新關公災難的最低想像。
4. 聲明中Frankie澄清，「喺上一段感情結束後，先正式開始而家呢一段關係，希望大家唔好猜測。」又話自己呢幾年由冇自信到開朗積極，打開咗自己，希望fans支持佢「成為一個更好嘅自己」。
5. 點為之「正式開始」一段關係，相當可圈可點，而聲明亦無交代有否分手及懊悔，結果網友一致歸類Frankie同Christy屬臭味相投，或男方智商偏下，令乖乖男的人設大崩壞。
6. 最尷尬係黑材料中，Christy 自稱MIRROR另一成員AK懷疑曾經追佢，令生粉相當不滿，團內兄弟情面臨考驗。
7. MakerVille 旗下藝人，近年新聞不斷，但睇落經理人同管理層都冇汲取教訓，每次crisis，都係採取以靜制動做法。其後花姐係自己IG貼出一隻雞相，指隻雞好食但難handle，獲網民讚好，但這個post似乎貼出前與Frankie未有共識。
8. 今時今日，電視台咁嘅服務態度點得㗎？上星期《社內相親》導演仲爆公司拖糧，可見由Admin到production再到前線Artists，都仍然係笠笠亂。趁住office同廠下星期都搬離九展，不如公關手法、營運策略及人事安排，都破舊立新、來返一個新開始啦！
▼Follow 娛頭
Facebook: https://www.facebook.com/profile.php?id=61554772610166