歐倩怡早前與郭晉安無預警地宣布在2年前已分居，正式結束近18年婚姻。由於二人向來被譽為娛樂圈的「模範夫妻」，因此離婚消息一傳出，外間對離婚一事都作出了不少揣測。而近日歐倩怡接受「蝦頭」楊詩敏及連詩雅主持的網台節目訪問，在婚變後首度公開露面的她就首次談及回復單身的原因及近況，然而她的回應卻引來大批網民圍插？
歐倩怡日前在Chill Good YouTube Channel《絲打圍爐》訪問中開腔首談離婚的原因，她談及4年前大病突然呼吸困難，更嘔吐兼失禁，然而當時郭晉安卻「見死不救」，沒有為她Call白車也沒有在旁照料，只是給她一個痰罐便完事。
在病況危急的情況下，「枕邊人」郭晉安卻沒有即時為她求助救援，歐倩怡描述當時的恐懼感，每秒都如過千年長。後來歐倩怡直言自己是昏倒在痰罐上，而直至第二天清晨自行恢復意識，發現自己的頭部仍卡在痰罐中。後來醫生診斷她患有嚴重肺炎導致肺積水，並需長期服藥治療。而正正是因為這次的「死裡逃生」，令她改變了人生觀，決定重新思考人生抉擇。
歐倩怡狠批前夫郭晉安「見死不救」引兩極意見
對於歐倩怡提及的重病經歷，引來網民兩極意見，有網民批評郭晉安「見死不救」，表示終於明白為何二人會離婚，又祝福歐倩怡可以有新的人生。
然而也有網民質疑事件真實性，指這只是歐倩怡單方面提及的說法，又有人留言：「講嗰個都吾make sense，個頭塞喺痰罐入面暈左，仲可以第朝冇事，大台編劇都吾會咁寫啦」 、 「比較難令人相信屋企有痰罐，個頭中落痰罐瞓通宵喎，離奇到蝦頭都答唔到咀」。也有人覺得歐倩怡忘本，忘記當初是男方供她讀書，自己學有所成便離開對方、又指「君子分手不出惡言」。
而歐倩怡在節目中批評完郭晉安後，後來卻突然在社交平台上為前夫講好說話：「當時係驚，唔知發生咩事」之後再補充：「我真係斷片式暈咗，發生咩事都唔知」、「太驚啦，唔知發生咩事，比着我都會驚，唔知應該點做！」有網友留言：「多謝你放過郭晉安，地球又多一個筍盤。」歐倩怡又轉態度大讚前夫：「係呀，佢好好的！」
提及「女人真係唔好讀太多書」 歐倩怡解釋「純粹係節目效果」
除了郭晉安疑似「見死不救」一事引來話題，歐倩怡在節目中也有不少言論令人譁然，當中她自爆有玩交友App結識男士，更試過與6名男性約會，她又提及：「女人真係唔好讀太多書，真係有啲男士係會驚你。」、「勁得濟係嚇親人」，又狂爆交友App對象的質素，被網友怒斥態度傲慢。
有網民批評歐倩怡在離婚後就立刻於交友App識6個男士太過放縱，又批評她過於自信：「咁嘅學歴叫勁得滯，真係笑大人個口，fyy讀埋碩士都未講得出呢番說話。」而歐倩怡則回應：「多謝提醒。其實我都知我好渣㗎咋，好多野都唔識，同無記性。嗰個純粹係節目效果。學海無涯啊。」
ricky chan 通常係自己本身讀得書少 又或者係成日畀人話佢讀得書少呢啲咁嘅人先至會經常將自己嘅學歷拎出嚟講 驚死人唔知佢讀過書 好似淨係佢先有書讀咁樣
06月17日06:34
Wai wai 窒息但係第二朝冇事，只係頭卡係痰罐，應該 唔係有病係撞邪
06月17日07:41
º 唔需要猜測多
一家唔知一家事
而且都離埋婚
講都無謂
06月17日07:06
N 但我有個女性朋友係律師，離過婚，佢話真係寫真實學歷就好難喺交友app識男人！交友app啲男人真係唔鍾意女人又讀碩士又係律師咁～
Btw我估敦晉安係因為唔想見報所以盡量唔call白車；歐倩怡自己又表達唔到咩事（佢自己亦無要求call白車，淨係驚），夜嗎嗎郭晉安應該係已經攰到思考唔到（佢工作咁忙仲要拍大台劇應該返到屋企都人乾咁），我相信佢當時甚至唔知歐失禁！而天黑到天光其實可能只係1-2個鐘甚至更短，郭可能轉頭又要開工，然後口頭同啲工人姐姐講叫工人姐姐照顧佢，然後覺都未瞓醒就又起身返工！於是歐就抱住個痰罐唔知瞓咗定暈咗咁去到天光先醒！工人姐姐可能都未瞓醒覺所以歐就得自己喺房！
其實郭晉安咁忙，歐倩怡必須係一個堅強、獨立嘅女人先可以照顧自己同全家人！可惜嘅係、歐係要人照顧返轉頭果隻女人⋯⋯所以歐喺以前嘅訪問話，同小朋友關係唔親密，自己好少照顧小朋友，個重點係佢根本自己都搞唔掂自己，仲點湊細路！最後就係靠親戚、靠工人姐姐！呢種女人其實係需要返工架，佢返啲簡單嘅工，反而有人生意義，唔會覺得頭家唔需要佢；佢而家反而覺得自己無所事事，於是咪讀書！讀完好多書就幻想自己可以闖一番事業！所以就會諗離婚
06月17日06:44
c.k. 又嘔吐又失禁，玩交友app果啲見到你都驚啦
06月17日08:49
顯示全部