張致恒再甫電子錢包二維碼求助 雯雯︰唔介意你話我乞兒

張致恒（Steven）月初時自爆到茶餐廳返工，上星期更一家人外出為大仔天寶慶祝5歲生日。正當外界以為他們一家六口的生活已有改善，Steven的太太區燕雯（雯雯）日前（14日）卻在Ig限時動態出post鬧爆︰「要發生嘅，終於都發生。你終於都令到屋企俾人CUT電。完全已經唔係容忍嘅範圍之內，小朋友又冇得煮嘢食，又冇熱水沖奶，不停喊，請問你想我點？﹗」同日晚上，Steven再次在社交網上載電子錢包的QR Code，並在照片上加上「十個鐘頭」、「已經諗去到唔到辦法（已經去到諗唔到辦法）」及「求助」字句。

雯雯今天（17日）於社交平台發文感謝網民幫忙，更揚言不介意被指是「乞兒」。她說︰「多謝真正有心嘅所有人，多謝真正幫過我哋嘅人，噚晚凌晨已經一切安好。我唔介意你話我乞兒，我相信冇人會想行到呢步，但經歷完噚日十幾小時，小朋友不幸發燒+嘔，我已經得到我應得嘅教訓。我唔係工作都冇錢，而係啱啱起步，未足一個月，所以依家仲係零。多謝真正關心我哋嘅人，亦多謝鬧我哋嘅人，發生嘅我已經有足夠嘅懲罰。」

（即時娛樂）