紐卡素再增添一名傷兵，正選中堅博文(Sven Botman)前十字韌帶受傷，將會進行手術，預計會缺席6至9個月，除咗今季收咧，亦會缺席夏天嘅歐國盃賽事。
現年24歲嘅博文上季係法甲里爾來投，一直係球隊嘅正選中堅，今季因為膝傷同腳踝受傷已經缺席過18場比賽，其間就會由拉修斯(Jamaal Lascelles)頂替其位置，拍着舒亞(Fabian Schär)成為球隊嘅一對中堅。若然中堅位置又有傷兵，主要踢左閘嘅丹般(Dan Burn)就會移入中間，由其他人頂替左閘位置，例如年青小將利華文圖(Valentino Livramento)，因此博文嘅受傷對球隊嘅影響未算非常嚴重。
廣告（請繼續閱讀本文）
目前以40分排第10位嘅紐卡素，各項盃賽已經出局，距離季尾仲有10場比賽，現時只能夠靠聯賽成績以奪得來季歐戰資格，而如今距離第六位歐霸盃資格嘅曼聯相差7分，距離第七位歐協聯資格嘅韋斯咸相差4分，但以上提過兩隊都係轉捩點，分別係擊敗利物浦嘅曼聯同最近球隊翻生嘅西咸，連同前面嘅白禮頓、狼隊同埋身後嘅車路士，紐卡素能否奪得歐戰資格真係難講。然而考慮到自身情況，撇除上一場悶着比曼城淘汰出局，目前球隊主要有5位傷兵，包括查比亞同哈菲班尼斯會係3月尾歸隊，門將樸比4月尾歸到，哥林威爾遜同祖靈頓5月先完成養傷，啲人嘅質素嚟講確實差少少，但係考慮到餘下10場賽事對手，只有4支球隊係排名上比紐卡素高，所以紐卡素依然有力一搏。
▼Follow 足球港場
Instagram: https://www.instagram.com/footballarena_hk/