近期港股勢如破竹，唔少券商生意做到無停手，連同絲絲傾兩句嘅時間都唔多，要趕住做生意、覆客喎，靜咗兩年幾，終於忙返，真係戥佢哋開心啊！
本地券商耀才證券行政總裁許繹彬話，最近開戶人數激增，有啲分行排大隊添！同時留意到單日成交、做短線炒賣嘅客多咗，長線客到價、有錢賺都有沽貨。
廣告（請繼續閱讀本文）
互聯網券商老虎證券就表示，上星期(9月23至29日)平台開戶人數按周多73.4%，而30歲或以下嘅開戶人數按周更升77.2%，平台活躍用戶數按周上升10.2%，就連星期二(10月1日)假期都有人開戶。
有趣嘅係，絲絲同啲老行尊吹水，據聞有唔少年輕投資者轉投傳統券商開戶，話鍾情有實體分行、電話落盤喎，咁就唔怕市場熱情得滯，令網上戶口「死機」，當買個保險。
東網網站 : https://on.cc/東網Facebook專頁 : https://www.facebook.com/onccnews/
廣告（請繼續閱讀本文）