昨天（2日）是開學日，不少星級父母陪子女返學，並於開學前影上學照留念。陳山聰的囝囝Jaco已升讀K2，山聰在社交平台貼出4歲囝囝校服照，並稱囝囝做「大佬」，他寫道：「精神﹗大佬又進入人生另一個階段、希望你K2繼續努力探索，繼續健康快樂成長、繼續係校園開開心心學習。」
李璨琛和梁志瑩的大女李元元（Lucy）亦升讀小一，Lucy表現得非常雀躍，上學前狂擺甫士：「李元元終於要做小學雞，長大咗嘅應該係李老母，終於沒有分離焦慮症，亦竟然沒有依依不捨，因為我知道，屋企仲有個細嘅俾我玩，yeah #有人竟然6點半自己彈咗起身 #返到屋企我問我個女 #你有冇漏咗帶啲乜嘢 #佢答我 #你咩都漏晒呀媽媽 #老師話我又冇家課冊又冇通告又冇乜乜盛盛 #條友仔而家成日學我講盛盛。」
湯怡和麥秋成的3歲囡囡「麥QQ」今年亦升讀K1，湯怡在Ig貼出和寶貝女面貼面合照：「呢個好期待返學嘅小朋友今年升K1了，新校舍﹑新老師﹑新同學，請保持住你嘅好奇，繼續探索，繼續十萬個為什麼，最強後盾永遠陪住你。」
廣告（請繼續閱讀本文）
（即時娛樂）