第五波疫情爆發，迪士尼樂園因政府防疫措施而關閉，不過話題就並未因為咁而停止！近日有人在Facebook專頁「西店Hi客之道 Hispitality Secret」上投稿，貼出一張客人指控迪士尼樂園商店員工質素差的照片，更貼出員工照片，內容指收銀員更追出門口鬧事主，不過網民就反指事主先係西客！究竟發生咩事，即刻睇睇！
西客貼出迪士尼商店員工相 指控追出門口鬧自己？！
網民無人信 一面倒鬧爆：睇呢一句就知你西
近日有人在Facebook專頁「西店Hi客之道 Hispitality Secret」上投稿，貼出一張帖文截圖，似乎是轉載其他群組的群文。圖片內有一位客人貼出了員工照片，表示「第一次係迪XXXX商店（相信為迪士尼酒店商店）買野買到成肚氣，呢位叫Pxtxr既收銀員工，一行埋去俾錢我已經俾左張會員卡佢話要用印花折扣卷（券），佢收左錢先話無幫我儲印花。」
他續指「當時我call左的士司機等緊我，所以趕住走，我話咁算啦由佢但我會投訴你既，之後佢就發癲勁大聲話：好呀快啲走啦拜拜，大聲到全店都聽到」，更指員工「仲出嚟追住我嚟鬧，話係我催佢搞到佢出錯，又話份工佢唔稀罕，真係好笑我一開始就遞張卡俾佢話要用印花折扣，佢識幫我用折扣但唔識幫我儲分。」
然而他指「事後睇返張單仲要連會員discount都無，即係收多左我錢！」他怒轟「做錯野唔認仲要賴落個客度，仲要追住我黎鬧追到出酒店大堂門口！估唔到迪士尼而家請既員工質素咁差，真係對迪士尼好失望！」文章最後加上了3個hashtag，分別是#既然你唔稀罕份工我實幫你搞大佢、#好後悔當時無拍片淨係影左一張相、#迪士尼燥狂員工。
網民看到文章後不但沒有同情事主，反而直指事主「西客」，文章當中一句「咁算啦由佢但我會投訴你既」令網民特別在意，直指呢句話「西味濃郁」、「感覺筆者極品西」，認為文章skip了很多中間的對話，加上「我唔信如果個職員真係咁講，會無經理出嚟欄住佢，仲俾佢有時間衝到出去繼續鬧客」、「咁大件事應該好多人望住」，質疑事件可信性。