大婚正在倒數中的忙碌準人妻衛詩雅（Michelle），去年可謂是紅鶯星動的一年！衛詩雅在演藝圈奮鬥16年憑藉《破．地獄》終奪影后頭銜，加上有醫美醫生男友求婚加持，可謂愛情、事業兩得意！個性樂天的衛詩雅，生於幸福美滿家庭，懂得愛與被愛身邊的人，她更自誇是「最佳女朋友」體貼男友，更將愛心廣及助養兒童，早前更首次到柬埔寨探訪，期間被1個情景震撼，感受很深！探訪過後，更令Michelle對人生規劃有所改變。
自認最佳女朋友
問到衛詩雅：「你認為自己是最佳女朋友？」Michelle即秒答：「我梗係最佳女朋友，哈哈⋯ 死都要認！」衛詩雅表示自己感性型女朋友，喜歡表達愛，而且鍾意聆聽、陪伴。不過，要數她對男朋友最sweet的一件事，她竟說：「其實冇，哈哈。」想了又想，她問：「陪伴算嗎？」續說：「曾經試過深夜時分，佢話好想食一樣嘢，於是我就趁佢洗澡，揸車出去買，當佢沖完涼就放喺佢面前，呢個算嗎？」此時此刻，場內人都點點頭，得到一致認同。
首次探訪被1個情景震撼
這位準人妻可算是時間管理達人。衛詩雅既忙著工作、籌備婚禮，在1月初仍到了柬埔寨7天探訪工作，不過這次跟隨世界宣明會探訪，令她感觸良多！
對於首度參與探訪工作的Michelle來說，在頭兩天，探訪當地特困家庭，發現當地居民生活艱難，眼見小朋友沒鞋穿、面對食水供應問題，令她大感錯愕！「最心痛一幕係，我哋跟佢哋（當地兒童）一齊去搵當天晚餐，去捉蟹仔，行行吓，我先意識到前面嘅小朋友冇著鞋，但佢哋每天都咁樣（赤腳）行路⋯⋯」更甚是，當Michelle望向他們，仍報以親切友善的笑容，令她自愧不如！「我哋太富裕，擁有太多啦！」
夢想生4小孩？
曾自揭喜歡小朋友要「生4個」的衛詩雅，大婚在即，不時被人被及生B計劃，原來她早已有打算。Michelle毫不猶豫地答：「依家想法改變咗，我應該唔會生，我覺得自己唔係叻嘅母親。因為我知道當媽媽責任好大，我覺得自己未ready，呢個『角色』太難做，我覺得自己要ready好、做到100分做個好父母，我先會考慮。」
蜜月大計
大婚快將在數天後進行，這位「hea爆人妻」仍未計劃蜜月之旅。「完全冇計劃，暫時工作忙至年中，到時都係嗰句：『船到橋頭自然直』，可能突然間我呢星期唔使做嘢，未婚夫呢星期都唔使，先決定去邊。」
PRODUCER｜Mabel Shek
VIDEOGRAPHER｜Tik Tsang、Ryan Hong
PHOTOGRAPHER｜Ryan Hong
VIDEO EDITOR｜Miffy Law
