無綫劇《奪命提示》，昨晚（24日）一集兒童院兒童離奇失蹤案件有新進展，一直被認為是拐走及毒害兒童真兇的娟姐（楊卓娜飾）終成功洗白，根據劇情真兇應是井亦希（鄧智堅飾）。
廣告（請繼續閱讀本文）
鄧智堅的演出相當精彩，不但變態微表情做到足，包括蛇蠍一樣的斜睥眼、窮兇極惡的怒目而視、以及因神經質而不停震動的面部肌肉。談到是次拍攝有蝦細路、甚至用刀挾持小朋友的場口，堅叔坦言最怕是嚇親及整親小朋友。
以前曾參與不少舞台劇版本的兒童劇，故一向容易與小朋友打成一片，但為了是次拍攝，堅叔要刻意與小朋友保持距離：「今次要忍住唔可以同佢哋好熟，因為要佢哋驚我吖嘛！驚玩得太熟會影響表現。」
是次更是堅叔首次挑戰追車戲，他坦言有難度：「因為要控制節奏，同埋要配合番鏡頭，場追車戲都真係拍咗一段時間，對於我嚟講真係挑戰嚟，又要Make sure唔可以真係嚇親個小朋友。」
廣告（請繼續閱讀本文）
（即時娛樂）