李日朗拍完新劇北上搵食做直播大受歡迎

藝人李日朗和蔣祖曼合拍的無綫新劇《輕‧功》，經過5個月的拍攝期後，日前終告煞科，他回想和祖曼初結片緣時，自言被對方的樣子欺騙了：「因為個樣，覺得佢好囂張，但識耐咗，就發覺佢係冷內熱嘅人，還有顆溫暖嘅心，我有個疑問，可能上天整蠱佢。」現時更因了解而成為好朋友。

完成漫長拍劇日子，屬工作狂的他又投入另一個工作，加盟了內地著名歌手、有「廣東雨神」之稱的盧大雨公司。日前更舉行網上直播節目，除唱歌外又和粉絲互動，令他意料之外是，由內地回歸香港演藝圈已大半年，但內地粉絲人數不減反加，當日直播的觀看人次由1.4萬起，經過2小時後，累積觀看人次超過10萬。

他說：「開第一場首播，冇諗過會有咁多人嚟睇，啲留言多到睇都睇唔切，有咁多人支持真係好大鼓勵，希望之後我嘅直播的技巧有進步，能夠同更多粉絲傾偈同唱歌啦。」又說盧大雨幾年前憑一首《廣東愛情故事》爆紅，所以望有機會跟「廣東雨神」在音樂上有合作，笑言或者可以兩人的姓名夾歌：「我叫日朗，佢係大雨，可以考慮首歌叫《雨後天朗》。」

東網網站 : https://on.cc/東網Facebook專頁 : https://www.facebook.com/onccnews/