廣告（請繼續閱讀本文）
影帝太保與影后吳家麗出席ViuTV劇集《無限斜棟有限公司》開鏡拜神，飾演大廈業主的太保，劇中為完太太生前心願，故帶住太太屍體睇電影及唱歌，他表示劇情絕無恐怖成分，只表達對亡妻的情懷及思念。
廣告（請繼續閱讀本文）
問到與一班後生仔合作，可有傳授幾招演戲心得？太保說：「畀啲後生睇吓前輩，要識得點樣謙虛同尊師重道，好似我對師傅午馬咁尊重，有咁嘅概念先會成功，新演員每年都有，對手亦好多，所以要執生，唔容易，希望佢哋做到，努力啲，靠佢哋啦！」
而吳家麗於劇中有老公之餘，卻又有一位同性愛人，她說：「老公係愛情同感情，新嘅就畀到我有刺激感，係一個好大嘅決擇！（同女演員有情慾戲？）我會同一個演外籍傭工嘅演員發展感情，不過太白嘅戲唔難，反而用眼神同內心戲先至有挑戰性嘅。」
東網網站 : https://on.cc/
廣告（請繼續閱讀本文）
東網Facebook專頁 : https://www.facebook.com/onccnews/