【頭條獨家】5間健身室停業兩個月蝕7位數　陳偉成呻：咁落去香港真係死

經營健身室的陳偉成（Avis）去年無懼逆市再開3分店，本來不少人因Stay home抗疫密密食致身形發胖，令Gym Room生意飆升，惜上年年尾本港爆發第四波疫情，至今健身中心已遭勒令關閉兩個月，擁5間Gym Room的Avis表示損失近7位數，抗疫補貼仍未全數到手，坐等重開的Avis說：「咁樣落去香港真係死㗎喇！」撰文：黎寶倫　攝影：李維隆　場地：Wow Fitness CWB去年3月榮升人父的陳偉成先後於旺角、銅鑼灣及尖沙咀開分店，太太黃藹樂（藝名：黃樂樂）認為囝囝陳朗瑜（Adrian）成日笑、腳頭好，令爸爸生意愈做愈大，Avis坦言「疫」市下擴充業務都幾大挑戰，希望一、兩年內翻本。惟政府於去年12月進一步收緊防疫措施，健身室至今勒令閉關約兩個月，Avis稱現時白交租又要出糧，是損失最慘重的一波，「有啲業主都肯減租，但新租嗰啲就冇咁體諒，直頭唔減租，所以好難過到第四波疫情，比較辛苦少少。（有執笠危機？）應該唔使，支撐住囉，希望盡快可以開番。」提到「防疫抗疫基金」第二、三期仍未攞到，且補貼數字只能應付租金，Avis無奈道：「太少根本支撐唔住，希望補貼多啲，呢件事做得快啲、簡單啲，否則1年後畀我，我有生意做都唔使你畀啦！」他又盼政府實施一些政策幫助租客，例如租金支助、規定繳交多少租金等；眼見「封區」範圍逐漸擴大，Avis亦沒好氣道：「知道疫情開始擴散得勁就要一早封咗佐敦、油麻地，唔係走咁啲先再封多啲，政府做嘢真係要快狠準，一次過封晒油尖旺全民檢測。封關更唔使講，一日未有疫苗都唔使放寬，希望佢做番好少少，否則咁落去香港真係死㗎喇！」