廣告（請繼續閱讀本文）
藝人蔣家旻（Angel）應繽FUN星網邀請，擔任由陳振安主持嘅《#娛樂Hashtag》嘉賓，每逢星期五、六、日更新一集，喺最新呢集Angel就大談戀愛史，熱愛日本文化嘅佢，原來當初係為追星而努力學日文，點知之後仲識咗個日本男仔做男友！不過，Angel自爆最後係因為文化差異同價值觀有問題而分開，仲無意間大爆咗呢個前男友嘅一個騎呢行為，搞到喺拍拖期間好攰、好辛苦！
自言踏入「29+1」嘅Angel，指希望下一段戀情係可以長遠發展、兼係穩定嘅關係，問到現階段嘅擇偶條件？佢笑話唔要火爆型︰「EQ高啦！聰明啦！有啲藝術感嘅男仔。」仲信心爆棚話即使拍劇拍通宵，都可以平衡到工作同愛情，究竟佢有咩辦法呢？至於前日籍男友個騎呢行為係咩呢？想知就記得留意呢集《#娛樂Hashtag》嘅播出時間啦！
廣告（請繼續閱讀本文）
東網網站 : https://on.cc/
東網Facebook專頁 : https://www.facebook.com/onccnews/