每次喺螢幕上見到偶像上台表演嘅妝容都非常靚，就算邊跳邊唱都唔會溶妝，除咗化妝品，化妝功力都非常重要，早前去咗韓國發展，啱啱喺HKT48畢業嘅宮脇咲良喺個Youtube頻道同大家分享點樣化一個喊完都唔會花嘅偶像妝容，如果大家都好奇點樣可以化到Sakura嘅妝容，快啲睇內文介紹喇！
圖片來源：Youtube@Sakura Miyawaki、Estée Lauder、M.A.C、myprincessyoyo、Bobbi Brown、Clinique、網絡圖片｜撰文︰Sharon
1. 底妝
鼻翼會出好多汗，建議先喺鼻翼兩側搽上，再用提高亮度並有防曬效果嘅粉底作底妝，會令皮膚嘅亮度有所提高！可以先用雙手抺上，再用美妝蛋塗抹均勻。
2. 粉底
粉底是偶像妝容最重要嘅地方，宮脇咲良推薦使用Giverny嘅Milchak Cover粉底液17號同Espoir嘅Pro Tailor粉底液 Be Blow Ivory 21號。宮脇咲良表示，當時喺IZ*ONE時韓國化妝品師都會用呢兩款粉底液，特別係Giverny牌子，每位韓國化妝師都一定會用，係舞台妝容嘅最佳選擇，非常貼服，能夠化出陶瓷肌嘅粉底液！
如果只用Givenchy粉底液妝感會好重，因此建議同有光澤感嘅粉底液一齊使用，之後再用化妝掃由中心向四周塗抹，最後再用美妝蛋收尾。用咗兩種粉底液基本上大家都無須再用遮瑕。
3. 遮瑕膏
首先一定要喺嘴巴附近位置搽上、雖然未必好多人會留意，但呢啲地方會容易出現暗沉。然後，黑眼圈地方都要用遮瑕膏，只需要喺黑眼圈較明顯嘅位置搽就可以，如果搽太多會令眼睛睇落過細。
4. 碎粉
唔想油光滿面就要用埋碎粉，宮脇咲良平時會用Innisfree同DIOR系列嘅碎粉，而Innisfree嘅碎粉既唔會令個妝好易花、亦唔會出油，可以話係最強碎粉。宮脇咲良有小小建議，一開始用太多碎粉，上眼妝嘅時候會逐漸皺起，所以一開頭只需要用小量就夠。
5. 眉毛部分
眼妝本來就係要令眼睛變大而化，所以畫眉毛時要比原本嘅畫畫眉更長，臉上過白嘅感覺就會減少，臉部嘅均衡感亦會變好。另外，眉毛嘅顏色如果比髮色暗淡，會導致整個妝容都好老氣！
6. 眼妝
每個女仔都需要嘅眼影盤，而且最容易上手，因為髮色、服裝同舞台都以粉紅色為主，今次宮脇咲良都會使用粉色系嘅眼影盤。笑嘅時候會好容易出現眼紋，所以眼角位置盡量都會搽埋眼影！搽上第二種眼影顏色時，從眼尾到開始搽嘅方法會較好，外眼角到眼皮位置就會愈嚟愈濃，睇落會更自然！
7. 眼線/睫毛膏
髮色、妝容都以粉色為主就建議唔好使用黑色眼線，故眼線同睫毛液用棕色會較理想。用眼線膏嘅好處係想化粗或者幼少少都無問題，唔會出現外滲嘅情況，十分緊貼，而且唔會脫妝，但唯一困難係會畫嘅時候會較難！
睫毛膏方面，如果有使用假睫毛就唔需要使用太多，令自己嘅睫毛同假睫毛更自然就可以。另外，作為偶像，表演妝容一定要夠閃亮，因此要使用閃粉搽上雙眼皮位置，眼睛就會有Bling Bling嘅感覺！
8. 腮紅
腮紅部分搽臉孔中心部分，最後再搽上鼻子嘅部分打下陰影。
最後搽上唇膏同Set埋髮型，偶像妝容就完成！
雖然Sakura介紹嘅多款嘅化妝品牌子有部分喺香港未必買到，但香港亦有好多質素極高嘅品牌，而家等小編介紹畀大家知啦！
1. Estée Lauder 持久裸妝水盈防護粉底液（按此購買）
具備SPF 30廣效防曬功能及抗氧化功效，24小時全天候持妝，唔需要擔心天氣太熱而好易溶妝，而且呢款粉底液會使妝容效果非常自然！
【INFO】
售價︰HK$405
2. M.A.C 專業無瑕霧鏡粉底（按此購買）
M.A.C嘅粉底液能夠撫平細紋同毛孔，達致高遮瑕度，非常貼服及持久，仲有24隻色號可以揀，一定有一隻適合自己皮膏嘅粉底。
【INFO】
售價︰HK$360
3. Innisfree No Sebum Mineral Powder 礦物控油碎粉（按此購買）
宮脇咲良平時會用Innisfree嘅碎粉，香港都買到！呢款碎粉有超強吸油力，可以快速吸收大量油脂，能避免面部出油，最重要係價錢非常親民，$60有找添！
【INFO】
售價︰HK$54
4. CLINIQUE Even Better Brightening Loose Powder（按此購買）
【INFO】
售價︰HK$340
5. Bobbi Brown 蟲草修護精華遮瑕膏（按此購買）
呢款遮瑕膏質地滋潤，可以減淡眼周浮腫及黑眼圈，持久達10-12小時。
【INFO】
售價︰HK$390
6. Estée Lauder Concealer Brush（按此購買）
建議初學者可以買翻支遮瑕掃，使用遮瑕掃比一般刷具更打易較不易照顧嘅部位，例如鼻翼同眼部位置。
【INFO】
售價︰HK$250
7. Bobbi Brown Luxe Metal Rose 眼影盤（按此購買）
8款霧面同金屬色調，可以根據自己嘅膚色同風格化出奪目嘅眼妝。
【INFO】
售價︰HK$490
8. M.A.C 時尚焦點9色眼影組合: AMBER TIMES NINE（按此購買）
【INFO】
售價︰HK$360