周柏豪雞鴨不分！袁偉豪情傷靠翠如開解

由周柏豪與袁偉豪（Ben）兩個好兄弟主持的《兩個小生去Camping》，在最新一集中，兩個型男一齊推車仔去街巿買餸，柏豪雞鴨不分，將鴨當雞，非常搞笑。

之後他們由買餸車仔轉揸大型越野車上山露營，兩人大顯廚藝，柏豪負責烤雞，Ben負責整漢堡包，Ben稱試過拍劇攰到想喊，在車中呆坐半小時平復情緒，兩人重看《使徒行者2》時，Ben想起拍攝期間剛回復單身，要忙搬屋及買傢俬又拍緊劇，用工作來麻醉自己，幸得拍檔黃翠如日日開解自己。至於剛為人父的柏豪就有女萬事足，他表示：「見到個女好神奇，願意為佢做所有嘢，見到個女對我笑，就係完成咗當日目標。」

Ben問到若有日女兒話要帶男友回家，他會如何反應，柏豪相當樂觀：「我OK，好過佢話我去男友屋企瞓，唔返嚟兩日，我仲可以scan吓個男仔。」

東網網站 : https://on.cc/

東網Facebook專頁 : https://www.facebook.com/onccnews/