【姜濤、陳卓賢專訪（上）】好想拍拖但要取捨：「避免唔到都冇辦法」

都說MIRROR改變了近年香港的偶像市場，每次活動都吸引大批支持者到場。姜濤挾著《全民造星》冠軍之名，出道未夠一年已接拍超過20個廣告，以及舉行3場mini concert。而亞軍的陳卓賢（Ian）更爬姜濤頭，成為第一個開個人演唱會的成員。

名成利就的背後，當然包含著不少犧牲，26歲的Ian和20歲的姜濤坦言好想戀愛，但Ian明白面對取捨時，甚麼才是比較重要：「是否願意為了一直很想得到的東西，例如工作，而去放棄某些東西呢？」姜濤笑言會盡量避免，但同時希望自己可以一心二用：「避免唔到都冇辦法！」

好想戀愛 

從前，偶像都好像不可以拍拖，由成龍到劉德華、黎明、郭富城，再到Twins、Shine……有誰夠膽在事業高峰期公開戀情？不過在2019年的今日，擺明走偶像路線的MIRROR，不少成員都坦承有拍拖，如Lokman、Frankie、Stanley、Jer和早前宣佈分手的Edan等。而最受矚目的姜濤雖然曾被爆有女友，但他和Ian仍一直堅稱單身。

姜濤：「這個年紀的男仔有誰不想拍拖？但要自己去衡量，現在拍拖並不是我自己一個人的事，而是會影響身邊一大班人，並不是和女朋友開心就一起，不開心就分開那麼簡單，所以要慎重考慮！如果真的遇到，就可能要慎重地去保護；如果未遇到，就慎重地去想要唔要去拍拖。

Ian：「盡量避免啦！」

姜濤：「盡量啦！避免唔到都冇辦法，哈哈！順其自然啦！」

Ian：「這個年紀的男仔多數都想拍拖，平時工作忙碌，都想有個人在身邊理解下自己！」

姜濤：「係呀！係呀！」

Ian：「不過當面對取捨時，已經不是想唔想，而是應否為了一直很想得到的東西，例如工作，而去放棄某些東西呢？可能我們就會選擇放棄拍拖。不過，我們考慮的不是怕拍拖會減少fans，而是少了專注在工作上。我們剛剛起步，應該不停向前衝，不是說拍拖會拖累這件事，而拍拖就要抽時間陪女朋友，情侶之間鬧交亦很平常。」

姜濤：「可能我和Ian的性格未必可以兼顧到，希望我可以學到一心二用啦！講下笑咋！」

單飛 

姜濤去年贏得《全民造星》冠軍後，和其他11名參考者合組MIRROR，但不少「姜糖」（姜濤fans）都希望他可以單飛發展。今個月姜濤就舉辦了3場個人mini concert，不過，他明言自己永遠是這個團體的一份子。

姜濤：「很多人以為我已經單飛，但我從來沒想過是否要單飛，fans都想喜歡的成員有更多個人作品，但其實沒有衝突，我是MIRROR的成員，亦有自己的作品，所以我為何不兼顧兩樣呢？我明白自己永遠是這個團體的一份子。最近派了兩首曲風不同的歌，一首獨唱、一首和Anson Lo合唱，反應都好好。」

Ian ：「很多人以為姜濤的《一號種籽》和我的《二期大樓》是跟名次排歌名（姜濤：『下個是否到Lokman？』）填詞人和我們傾完偈，都對我們有不同想法，想將我們的個人性格放在第一首歌。我首歌叫《二期大樓》，是因為我就是本身的一期大樓，為了二期大樓去做很多東西去捍衛它，而姜濤的《一號種籽》是寫他為了得到某些東西而願意放棄很多，其實都是因我們的處事方法和性格而定。」

放假 

MIRROR出道未夠一年，工作量已經非常驚人，尤其有多個廣告代言的姜濤就更甚。今次專訪就是當日姜濤和Ian一日內做17個訪問之一。如果有一個月假期，兩人都興奮地表示要去旅行，最多留最後幾天努力減肥。

姜濤：「如果有一個月假期，當然想去旅行和食啦！一日地方stay十日，可以去3至4個地方。」

Ian：「你要預留一星期減肥！去3個星期旅行，然後減一個星期。」

姜濤：「很想去歐洲！」

Ian：「如果像姜濤所說，一星期去一個地方，留在亞洲比較好，日本、泰國和台灣，如果去歐洲就不夠時間。」

姜濤：「我想去日本、台灣和韓國，我很喜歡這3個地方的音樂和美食。」

（to be continued……）

撰文：機

攝影：Tedd

化妝：Cori Wong@Annie G Chan Makeup Centre

髮型：Stone Cheng @private I salon

服裝：Ermenegildo Zegna, HUGO