古天樂集齊人拍《尋秦記》電影版 網民：仲爭江華、KC！

堪稱為TVB神劇嘅《尋秦記》由首播至今雖然相隔19年，但人氣依然好勁，就算TVB重播2次都仲係咁受大家歡迎。

藝人兼電影公司老闆的古天樂（古仔）今日出席旗下的天下一電影巡禮，宣佈開拍電影版《尋秦記》，更親自集齊當年電視劇演員上陣，包括宣萱、林峯、雪兒、郭羨妮和滕麗名，眾人現身分享感受㖭！

撰文：東方新地 圖片：新傳媒圖片、微博、電視截圖

19年後原班陣容拍《尋秦記》電影版

而早於2017年時，古天樂原來已買定版權，準備開拍電影版，而今年正式開拍，仲集齊男女主角，真係好難得！而幾位女主角在台上輪流分享感受，宣萱話知道古仔話拍已經開心咗幾年，依家真係等到開拍呢日好興奮。久未耐面嘅雪兒話好多年沒見過呢班朋友，再見到感覺好Sweet，好開心。

而郭羨妮就話《尋秦記》係佢入行首部作品，所以當知道拍電影版覺得好興奮，佢仲不忘多謝古老闆。而滕麗名話畀古老闆嚇一嚇，皆因會打到七彩，所以希望古仔畀多啲錢請替身畀佢。

當年嘅四大女主角有宣萱、雪兒、郭羨妮和滕麗名，依家人齊演出，真係正如古仔所言「難過儲閃卡」。

古仔、宣萱和林峯一齊接受訪問，古仔披露故事大綱：「故事會發生在19年後（當年劇集是2000年播出，秦王都已經統一六國，之後發生咩事大家都唔知道，所以有好大創作空間。故事有穿越劇情所以有科幻元素。」不過古仔拒絕透露電影總投資多少，話呢啲係秘密。當年飾演嬴政嘅林峯則話：「聽過古仔講要拍這部戲好耐，每次見到佢都話劇本又改緊，總之好精彩。」眾人大賣關子！

古仔話：「當年套劇已經係2000年嘅事，好多人都想我哋拍番電影版，當初冇諗過用原班演員，但後來都覺得用原班演員陣容至好睇。」

網友：冇江華、KC唔算齊人！

不過網友話唔算齊人，事關獨欠飾演連晉、嫪毐嘅江華！劇中嘅江華一開始對主人巨鹿候好忠心，點知被項少龍誤廢右手後被逐出巨鹿候府，唯有投靠他人。途中佢遇到左手劍客嫪毐，經過一輪忍辱負重後終學成左手劍法，仲將真嘅嫪毐殺害，變成心狠心辣之人。

網友都話希望江華有份演，但之前江華就話套劇成為大家心目中嘅經典，已經好勁，所以唔明點解要翻拍，但從商業角度睇，大家都咁鍾意係有追看性嘅。不過佢近年都淡出幕前，睇怕難有機會睇佢嘅演出！

仲爭KC陶總管

其實唔止爭江華一個，仲有KC歐瑞偉當年飾演嘅陶總管，都有唔少網民話佢都係要角之一，唔可以冇佢份！

同場加映：8套最想深夜重播的高質神劇

回想當年，《義》首播後的平均收視為47點，最高更達68點！其實近年TVB深夜重播的電視劇都是80，90年代的神劇，就算未睇過嘅人都會覺得好看，比起現在嘅TVB膠劇質素高好多，就算是看到爛的《皆大歡喜》都覺得很好看。以下呢8套係公認嘅高質神劇，相信就算在深夜時段重播都會坐定定追看吧！

1. 無頭東宮

TVB在2002年的劇集，由陳妙瑛、向海嵐、張兆輝及魏駿傑主演的《無頭東宮》。當時向海嵐飾演的奸人楚楚讓人影響深刻，雖然超靚但奸到讓人牙癢癢，凌雲也演得很慘情，劇裡每位都是好戲之人，最重要是劇情緊湊，現在再睇都唔會感到悶！

小編最記得換臉的這一幕，當時的電視特技來說已經算很高級，睇到心驚驚！

這對奸人也是讓人想將他們千刀萬剮！

2. 美味天王

由沈殿霞「肥姐」帶著一眾視帝視后級演員，陣容龐大，事隔多年，劇中的經典主題曲、角色依然讓人念念不忘。劇中美味園餐廳老闆秦萬石在參加廚神比賽時敗在了自己的徒弟金一山手下，因無法面對打擊而選擇逃避。他的妻子和女兒只能努力地支撐著餐廳，等待秦萬石歸來。然而女兒蘇蘇廚藝不佳，客人也紛紛離開。無奈之下，妻子湯圓圓只能出售股份，而接手的大股東便是打敗秦萬石的徒弟，他化名為田味吉，教導蘇蘇廚藝，一對歡喜冤家就此誕生。

歐陽震華bobby在劇中演出搞笑，單是外型都讓人笑出聲，十足十耶穌！

3. 尋秦記

這麼多年來，古天樂飾演的項少龍依然是無人可代替！就算不斷有翻拍的版本，依然比不上古天樂的這個版本呢！古天樂版項少龍演得十分鬼馬精靈，最重要的是年輕時的他超級帥氣，難怪劇中左擁右抱，身邊一堆美人圍繞。

《尋秦記》中超級多氣質美女，宣萱、郭羨妮、滕麗名、雪兒等，個個古裝都無得輸！

4. 戀愛自由式

2003年上映的劇集《戀愛自由式》，以游泳作為題材，集合一班青春少艾，當中那一招「破冰轉身」，相信至今觀眾仍記憶猶新，另外影響最深刻之一的當然還有一講名就自動在腦海響起的主題曲歌詞！

5. 難兄難弟

1997年的《難兄難弟》，這是TVB一直以來少有的青春歌舞劇，雖說是在描述六七十年代香港娛樂圈的盛況，但劇集表現幽默輕鬆，有劇情還載歌載舞，在當時也是極受觀眾歡迎，而且「撈家」和吳鎮宇的搞怪演技也深入民心。

6. 鐵馬尋橋

還未超過十年的神劇，在播出的時候無什麼人看好，怎知劇情峰迴路轉，還有高潮迭起的對決，每一個角色的描寫都十分到位，背景是民初的三十年代，更注入了真功夫較勁，讓人看了熱血沸騰，跌破不少人的眼鏡。

見到這張圖好像有聲一樣，鄭嘉穎的這一聲「呀」圖在網上爆紅，表情十分到位！

7. 巾幗梟雄

人生有幾多個十年？這句話肯定大部分人都聽過，而這套電視劇也肯定大部分人都印象深刻，不但劇中柴九和四奶奶的角色深入民心，兩人的演技得到廣大觀眾的激讚，黎耀祥也因此劇取下影帝的獎項。當時一到播放時間個個都坐定定看電視，現在想望一眼電視都難。

8. 齊天大聖孫悟空

要講起西遊記中的齊天大聖孫悟空，相信許多人的腦袋里肯定第一時間浮起張衛健的孫悟空版本。他那句「噼啪你個𠾐的咚」在當時是很多人的口頭禪，還有多個經典對白和歌曲到現在都能倒背如流，對觀眾影響十分深刻，也是最有趣的西遊記電視劇版本。