迪士尼經典電影《魔盜王》系列15年嚟拍咗成5集，主角「傑克船長」都陪住唔少fans成長，不過近日就有外媒報導迪士尼有意重拍《魔盜王》系列電影，所有角色可能都會換人。
尊尼特普（Johnny Depp）飾演嘅加納比海盜「傑克船長」一角可以話係深入民心，Johnny Depp等於傑克船長，傑克船長就等於Johnny Depp。
廣告（請繼續閱讀本文）
而《魔盜王》系列由2003年至今一共拍咗5集，雖然17年上映嘅第5集《加勒比海盜：惡靈啟航》票房成績未算理想，但Johnny Depp飾演嘅傑克船長15年嚟都陪住好多人成長，成為經典角色。
《加勒比海盜：惡靈啟航》尾段姬娜萊莉（Keira Knightley）同奧蘭度布林（Orlando Bloom）驚喜現身，當時好多人都以為會有續集，但重拍消息一出，似乎無機再拍續集。
廣告（請繼續閱讀本文）
而據英國媒體《每日郵報》報導，迪士尼決定重拍《魔盜王》系列電影，亦會重新選角，即係意味住電影中嘅靈魂人物「傑克船長」亦可能由他人出演。
廣告（請繼續閱讀本文）
新嘅《魔盜王》劇本會由《死侍》（Deadpool）以及《喪屍樂園》（Zombieland）嘅編劇Rhett Reese同Paul Wernick負責撰寫。
而製作過多集《魔盜王》電影嘅名監製Jerry Bruckheimer就會繼續為新系列做監製。
雖然重拍《魔盜王》非常值得期待，但有唔少人都認為無咗Johnny Depp嘅魔盜王就無咗靈魂一樣，大家又點睇？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）