【萬聖節】另類應節提案　搞鬼南瓜鍋打邊爐+得意糯米餃

個個都開party，唔通個個都鍾意開party咩？一到萬聖節大家都會聯想到trick or treat，或者同朋友扮鬼扮馬落蘭桂芳飲返兩杯，不過未必個個人都鍾意趁墟。CONY近日發配有火鍋店提供另類嘅應節方案，推出造型搞鬼嘅南瓜火鍋，等你可以烚下烚下咁過萬聖節。

「酒鍋」開業以來一向走創新路線，更不時推出新品。雖然萬聖節並非大節日，不過佢哋都特意設計了新鍋，將整個南瓜放入鍋內，裏面充滿著色彩繽紛嘅蔬菜，配合可愛表情，製作成「嘩鬼南瓜鍋」。打卡一流之餘，招牌嘅黑松露雜菌湯底亦味道香濃，唔洗額外蘸醬都好夠味。至於火鍋配料方面，餐廳設計了造型得意嘅「南瓜糯米餃」，煙韌嘅糯米皮內藏流心芝士南瓜蓉。

除了南瓜鍋同糯米餃之外，仲可以試埋秋冬新出嘅白菜造型素餃，以時令嘅津白，配搭甘筍、雲耳和素雞作為餡料，同樣打卡一流，亦適合素食者或注重健康的人士。當然唔少得其他招牌配料，好似「掛架頂級安格斯牛頸脊」同「即炸手工紫菜響鈴卷」。

酒鍋
地址：
銅鑼灣店：登龍街18號V Point 27樓

尖沙咀店：天文台道8號2樓