嚟到重慶，又點可以唔試下當地嘅麻辣火鍋啊？呢間洪鼎火鍋係重慶小天鵝旗下嘅人氣火鍋店，坐落於重慶最熱門景點—洪鼎洞入面，配合返景點，裝修古式古香得嚟，亦非常華麗，加上火鍋湯底出色，係重慶必試嘅麻辣火鍋店啊！
入面裝修好靚，掛咗唔少精美嘅掛畫。
呢間火鍋店同其他重慶麻辣火鍋店有啲唔同，佢係主打一人一鍋，就算口味唔同都可以一齊打邊爐～
湯底選擇都幾豐富，可以揀鴛鴦鍋、鍾意食辣嘅朋友可以選擇麻辣鍋、清淡啲嘅有香菌鍋、仲有養生嘅藥膳湯底添！
麻辣湯底夠麻夠香，可揀辣度，幾適合香港人口味，唔太食得辣但又想試麻辣火鍋嘅朋友可以放心試！
火鍋料亦都有好多選擇，香港人最愛嘅肥牛同丸類都有。
雪花肥牛油脂分佈平均，賣相夠靚，而且牛味濃郁，落麻辣湯底夠晒惹味，必點！
唔食牛嘅朋友可以嗌呢個薄切豚肉片，肥肉香但唔會過膩，薄切口感極佳。
呢個四色丸分別係魚滑、蝦滑、豬肉、牛肉，食落夠彈牙。
喺重慶食麻辣火鍋，配嘅醬料唔再係加豉油，而係香油。
將自己鍾意嘅配料舀入碗，再倒入火鍋店提供嘅香油，就完成喇！烚熟咗嘅配料點落啲香油度可以解辣。
除咗火鍋之外，洪鼎仲有好多點心㗎！
天鵝榴槤酥，勁重榴槤味，好睇又好食！
呢個翡翠包睇落似蔬菜包，不過其實佢入面係肉餡嚟！
香酥肉夠香口，外脆內軟，熱辣辣食最好味～
香蔥煎餅煎得好薄，唔會食到成口麵粉，蔥嘅份量夠多，勁香蔥味！
呢間嚟自重慶嘅人氣麻辣火鍋店近日仲會進駐香港，想試麻辣火鍋嘅不妨去試下！
重慶小天鵝洪鼎火鍋（洪崖洞旗艦店）
地址：重慶市渝中區嘉陵江濱江路88號洪崖洞風景區4樓
電話：+86 23-63039901
營業時間：11am-12am
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）