「走先喇係咁先喇下次再玩吖」這句來自MC $oHo & KidNey〈係咁先啦〉的歌詞,最近經常被人掛在口唇邊,放工時講,食完飯講,聚會完講,一講「走先」,自然有人幫你配上「係咁先喇下次再玩吖」,該現象相信會持續多一至兩星期甚至一個月。
一句最地道最親切的廣東話歌詞,半唱半講地成為大家的口頭禪。MC $oHo & KidNey是來自YouTube Channel《試當真》的兩位藝人,在一個「係咁先啦」劇場上唱出。內容講派對上總有人被冷待想走先,但一喊走個個又懶熱情叫你留下,其實走定唔走不如由自己決定。隨後大家發現將歌曲寄語當下的移民潮,其實相當貼切,壓尾一句「再見喇下次見啦,有下次嘅話」,更見感慨。
〈係咁先啦〉受歡迎,連帶之前另一作品〈跌嘢唔好搵〉都補拍MV重推派台,這首沒深入喻意,但就是大家由細到大的經歷,周星馳在《大內密探零零發》都有講過,你愈係要搵嗰樣嘢,嗰樣嘢愈係唔畀你搵到,所以「跌咗嘢試下唔好搵,跌咗嘢試下唔好忟。」
這種貼地的廣東歌,從來都在香港樂壇佔一位置,不會太大,夠一隊組合企。90年代初的軟硬天師,唱出粉絲現象的〈廣播道Fans殺人事件〉,30年後的今天都一樣中用的一句︰「領導樂壇靠晒你哋 無咗你哋我哋會死」又借用Love字去講安全性行為的〈點解要大家笠〉,放在今天依然是在踩鋼線中尋樂趣,亦可見雖然歌詞嘻嘻哈哈,其實笑中同你玩認真。
到2000年,這類廣東歌突然添上怒火,因為有LMF,以屋邨仔自居由地下走進主流,流行曲中加入粗口以三級上架,情願專輯售賣時要貼上警告字句,都要盡情鬧社會上的人渣、敗類,都算一個先河。不過最受大家愛載的一首作品,還是嬉皮笑臉地唱的〈大懶堂〉,那種「我都好想好似中咗頭獎」的生活取巧之道,又代表了當時年輕人的另一心態。
師承LMF DJ Tommy的農夫,都是玩Hip Hop,但就選擇那種不怒不罵的Hip Hop,偏偏因為火力溫和,成了入屋元素,純屬自嘲的〈風生水起〉,就成為組合的爆發點,至少你一定識唱「玲玲今年又攞獎喇」,見到側田都會諗起「側過側田」,慢慢地佔上00尾到10年代,廣東Rap的代言人。
他們都是廣東樂壇一份子,在分手死別好愛你以外,提供一門輕鬆路線,更能記錄當下年輕一代所想所唱,或者每個年代大家都無獨有偶,抱住「試當真」的宗旨,試下認真,認真試下地唱出一種風格。
撰文︰余建
Facebook專頁︰https://www.facebook.com/Stupid.View
gary 人地比喻緊移民wor, 而家啲新聞真係易做;仲話深入了解
2021年09月25日15:38
傲天霸 將呢班人嚟同呢D經典組合相提並論⋯⋯奇恥大辱也
2021年09月25日03:18
Blue K 林狗已經係「走狗人渣的代表」⋯⋯一場暴亂已經將娛樂圈人渣一一浮現,「林狗瘋」一定要還給香港市民及十四億同胞一個公道,支持黑暴及煽惑年輕人去犯法,佢係破壞好多家庭的一名「偽人之一」,傷台還有一名漢奸叫「深尾💩」
2021年09月26日01:44
wing0 一膠不如一膠? (不過佢哋都算多人識嘅。。。)
2021年09月25日04:26
honghong 根本唔會聽呢D浪費時間
2021年09月25日03:48
顯示全部