雞翼作為本年度香港人民選的食材冠軍，繼葵廣雞翼節及 猛男送雞翼成為城中熱話後，《新假期》決定為雞翼乘勝追擊，於9月8日舉辦「香港燒雞翼日」，召喚喜歡燒雞翼的香港人，$80就可以任燒雞翼兩小時，仲有全港首個隊制燒雞翼比賽，更會全場一起打破燒雞翼健力士世界紀錄，為雞翼寫下歷史光輝一頁！由於反應熱烈，除了公眾參加名額在短時間內已爆滿，更引來多個星級燒雞翼團體例如微辣及熊仔頭參加比賽！
撰文：Mandy｜攝影：Frankie
雞翼高票勝出！年度「我最喜愛食材選舉2019」冠軍
《新假期》早前舉辦了年度「我最喜愛食材選舉2019」，希望更了解香港人口味，當中有10款搜尋率最高的話題食材，供讀者投票，歷時兩個月的投票，冠軍食材終於誕生，由雞翼以31,816票當選，成為港人2019年度食材冠軍！
1人1支More More叉 $80全包任燒雞翼
《新假期》今次舉辦的「香港燒雞翼日」，將於9月8日集齊一眾「雞翼精」，只需$80就可以全日任飲維他菊花茶，再加上兩小時任燒雞翼，每位參加者更可獲得豐富燒烤食物包及選手包。選手包內包括一支由本地藝術家東尼電機發明的燒烤神器「More More叉」，早前於年宵大受歡迎，這次與維他菊花茶聯乘推出特別版，一次過燒10隻雞翼不是夢！
「香港燒雞翼日」將於馬鞍山白石燒烤場舉行，燒烤場佔地過萬呎，飽覽吐露港及船灣淡水湖大壩景色，可以望住180度海景BBQ，邊食美食邊歎靚景。
隊制燒雞翼大賽 全民創造世界紀錄
健力士世界紀錄，細細個就聽過呢個名，但又有沒有想過自己可以成為打破紀錄的一員？機會來了，飛雲！《新假期》特別邀請了見證人到場，在影片拍攝見證下全場同時燒雞翼，申請打破健力士同場燒烤人數紀錄，為燒雞翼寫下歷史性一頁。
每逢BBQ，身邊總有一位燒雞翼達人，但自稱達人並不算厲害，在「香港燒雞翼日」中擊敗一眾對手，獲得全場認證，才算是高手高手高高手。除了打破世界紀錄，同場亦會舉辦燒雞翼大賽，比賽將以隊制賽形式進行，最多6人一隊，在限時內燒出3隻最完美的雞翼。
評審會以雞翼味道、燒烤功架、團隊造型為準則，加上觀眾評分，選出最具認受性的燒雞翼達人，冠軍團隊更可獲得金雞翼牌及金燒烤叉！獨特風味的雞翼，配以鬼馬搞笑的燒烤功架及造型，只要有心，人人都可以係燒雞翼達人！
星級團隊參賽！微辣VS 熊仔頭燒雞翼大戰！
如此盛事，引來一眾早已對燒雞翼同大家一樣有一份執著嘅星級團隊嚟參加燒雞翼比賽！當中包括微辣的雲吞、霍哥同雞翼組隊「雲吞霍埋雞」以及FHProduction熊仔頭帶埋藍仔頭組成「雞翼雙熊」！除此之外，Sony Music亦將組隊參與，更有星級評判同更多驚喜！詳情記得留意稍後的公布喇！
燒雞翼最佳拍檔＋任飲維他菊花茶＋破健力士世界紀錄
燒雞翼人人鍾意食，一於參加「香港燒雞翼日」呢項創舉，盡情任食雞翼同時又可以任飲維他菊花茶滋潤一番！維他菊花茶用咗菊花中最優質嘅杭白菊製作， 口味充滿高質菊花清香，無論係燒烤時覺得口渴唇乾，定係高溫天氣下想解暑降溫，維他菊花茶絕對係你喺炎熱夏日嘅解渴良伴！
限量版 維他「More More叉」 燒烤神器
為隆重其事「香港燒雞翼日」參與健力士紀錄，維他特別聯乘東尼電機製作「More More叉」燒烤神器，等你一次過可以燒晒10隻雞翼又得，同一時間燒埋腸仔、波波丸加豬扒又得，只要成功報名參加 《新假期》「香港燒雞翼日」就可以獲贈一支，畀你親身試驗神器嘅威力！
香港燒雞翼日
日期 : 2019年9月8日（星期日）
地點：白石燒烤場
時間：1:30pm – 6:30pm
費用：公眾參加名額已滿