Jessica跟老公返台灣過年　Super Girls隊友祝「一索得男」

女子組合Super Girls（SG）成員蔡明思（Jessica）去年底升呢人妻，首次以人妻身份過新年和派利是的她，由於農曆年期間要飛去台灣做「台灣新抱」，故一班SG好姊妹趙慧珊（Aka）、陳穎欣（Yanny）、李靜儀（Heidi）及吳嘉熙（Cheronna）趁她未離港時，相約向Jessica拜年𢭃利是。當日見到Jessica手拿大疊利是，一眾成員即表現非常興奮，並排隊向她不停講恭賀說話，氹得Jessica非常開心！Jessica透露今年準備了5位數字派利是，更賣口乖稱：「以前做藝人會預4位數派，今年就準備5位數字，好似我們一樣5位（成員）。」語畢，Heidi即笑問：「係咪5位數字都封了給我們？」對其5位數利是虎視眈眈的Yanny則說：「你要幫手封利是嗎？我可以幫手，我要澄清唔係想偷龍轉鳳，而係擔心Jessica入咁多封利是會攰。」提到今年以人妻身份首次回台灣過年，Jessica直言相當興奮：「之前未試過，唔知道會有咩習族，不過有一種幸福的感覺，大家可以跟我到台灣過年。」單身的Cheronna聞言即說：「咁你要介紹台灣男仔畀我了。」被問到會否趁此行「造人」？Jessica反應相當大：「新年好忙，要去拜年，又要去玩同打麻雀，順其自然啦！」此時，眾人即起哄說：「打麻雀幾好，仲可以一索得男！」搞到Jesscia勁尷尬。