每年12月至4月都係士多啤梨當造時期，香港都有農莊俾大人細路一齊摘士多啤梨，即摘即食，最啱假日同仔女一齊去！
撰文：Kamen | 編輯：Cherry | 圖片：大棠有機生態園、朗屏士多啤梨葡萄園、Alfred成長日記、新傳媒資料庫
親子好去處 全港5大士多啤梨園
每年12月至3、4月都係士多啤梨當造期，香港有好多本地農莊有種植士多啤梨，一般本地可摘的士多啤梨品種均來自日本，少數更有來自法國、韓國及美國，收費大部分都按大家所摘到的磅數來計算，而且即摘即食紅噹噹的士多啤梨的確相當鮮甜！
1.朗屏士多啤梨葡萄園
朗屏士多啤梨葡萄園面積達5萬呎，免入場費，場內種植日本士多啤梨，超大粒。士多啤梨按磅數收費。除咗士多啤梨，場內更有其他蔬果可以選擇。絕對啱一家人去！
朗屏士多啤梨葡萄園
地址：元朗大棠路大棠村（牌坊後面 – 球場側）
電話：9251 8926
營業時間：8am-6pm
入場：免費（毋須預約）
詳情：朗屏士多啤梨葡萄園
2.大棠有機生態園
大棠有機生態園係全港最大的士多啤梨培植場之一，場內除咗有士多啤梨園，還有騎馬徑、動物村、BBQ燒烤場、荷花池等等。只需$130就可以無限時即摘即食士多啤梨，價錢已經包埋入場費。最吸引嘅係3歲以下小朋友免費，最啱一家大細去！
大棠有機生態園
地址：元朗大棠山道十一號
時間：10am-5:30pm
價錢：場內任摘$130/位（包入場費）
詳情：大棠有機生態園
＊若想到大棠有機生態園採摘士多啤梨，最好在出發前致電查詢園內營業時間，隨時有可能會出現變動。
新假期《年度食材選舉2020》正式開始！想支持你的心水食材，快click入以下網站投票 http://p.nmg.com.hk/kiss20
3.羅氏士多啤梨園
羅氏士多啤梨園位於元朗白沙村，免入場費並可以免費泊車。除咗士多啤梨，仲有蕃茄、蕃薯等等可以摘！
羅氏士多啤梨園
地址：元朗白沙村第一段橋頭
電話：2470 7981
詳情：羅氏士多啤梨園
4.鳳凰農場
位於上水打鼓嶺嘅鳳凰農場除咗有士多啤梨摘，仲有其他有機蔬菜包括蘿蔔、生菜、蕃茄、車厘茄、唐萵等等，無論大人定小朋友都可以體驗農作生活！而且免費入場，收費按重量計。
鳳凰農場
地址：新界打鼓嶺蓮麻坑路168號
時間：7am-6pm
電話：6219 4955
如何到達:
(一) 由上水站公共小巴總站乘搭小巴59K前往打鼓嶺(叫在嶺英小學路下車),即到達鳳凰農場
(二) 由上水站公共巴士總站乘搭79K至打鼓嶺警署下車,往蓮麻坑路步行5分鐘,即到達鳳凰農場
(三) 駕車由上水站出發約15分鐘
詳情：鳳凰農場
5.陶氏休閒生態農莊
陶氏休閒生態農莊位於流浮山，地點比較偏僻。不過勝在有免費停車場（先到先得），入場費$5/位，大小同價。場內士多啤梨種類有兩款，分別是日本及法國。
陶氏休閒生態農莊
地址：元朗流浮山浮灣路（榮真學校後面）
電話：2266 0003
營業時間：10am-6pm
交通：元朗鐵路站乘K65接駁巴士，於流浮山巴士總站落車，車程半小時。落車後步行10分鐘至農場
入場費：$5
詳情：陶氏休閒生態農莊
