核能回歸遇上鈾資源供不應求！隨着中國、印度、俄羅斯等國推進更多的核能項目，鈾資源今年水漲船高，今年以來，鈾的價格已經上漲了近40%，達到每磅66.25美元左右。
噚晚隻Uranium ETF(URA)創近一年半高，兩日升超過8%，單係下半年已累漲近三成，跑贏晒大部分商品資源。不少分析均指出，鈾可以話係一旦步入經濟衰退的避難所，加上礦商發現蘊藏到生產鈾礦，要花上8至15年時間，換言之，鈾價可能有排升！
廣告（請繼續閱讀本文）
心水清嘅老散都知道港股有隻「鈾股」——中廣核礦業(01164)，公司在哈薩克斯坦及加拿大都有鈾礦山投資，自從本月上旬納入「港股通」範圍後，股價已經靜靜地起革命，今日一度再升11.8%創52周高，EJFQ系統8月7日發出勢頭能量轉強綠燈，至今已捕捉達54%升幅。股份雖然冷門，但係都有4個分析員給予評級，全部叫買，當中包括大摩已經喺1月睇好佢。不過留意14天RSI已經升到77，明顯超買啦，想長坐鈾價上升周期，可以等回吐些少先部署。