廣告（請繼續閱讀本文）
由馬浚偉（馬仔）擔任節目創作及主持的港台新節目《知情識趣31》今日錄影，邀請劉心悠、吳若希、林奕匡和梅小青參加名人問答挑戰賽，馬仔笑廣東話不流利的心悠必會答錯，心悠自嘲低B的IQ題目也可能答錯，不介意在人前曝露蠢的一面。她說：「讀書時數學曾經攞過0分，經常計錯數，試過工作酬勞睇少個零而蝕錢。」馬仔表示該節目會請中學生參加，帶出贏輸不是重要，盡力便行。
另外，馬浚偉在舊版《十月初五的月光》中飾演司徒禮信，深入民心，不少人會將新舊角色比較，馬仔表示未有時間看最近播出的新版《十》劇，但直言不想比較，他說：「唔想畀新人壓力，同我當年合作嘅演員完全唔同，冇比較就沒傷害，只要用心演一定係好嘅。」
廣告（請繼續閱讀本文）